బేబీకి ఒక సంవత్సరం వయసు వచ్చిందంటే?

చాలామంది పిల్లలు ఏడాది గడిచేటప్పటికి పడుతూ లేస్తూ నడుస్తారు కూడాను. 15 నుండి 18 నెలల వయసు వచ్చేసరికి పిల్లలు బాగానే నడుస్తారు. చేయి పట్టుకుంటే మెట్లు ఎక్కేందుకు కూడా ప్రయత్నిస్తారు. రెండు లేదా రెండున్నర సంవత్సరాలు వచ్చాయంటే పిల్లాడు పరుగు పెట్టటం, మెట్లు ఎక్కటం వంటివి చేస్తాడు. సోఫాలు ఎక్కడం, కుర్చీలు పట్టుకోవడం వంటివి చేస్తాడు. 12 నుండి 18 నెలల మధ్య పిల్లల వినికిడి పెరుగుతుంది. రెండు సంవత్సరాల వయసు వచ్చేసరికి రెండేసి మాటలు జత చేసి మాట్టాడటం కూడా చేస్తారు. ఇక ఆ సమయంలో పిల్లలకు చిన్న చిన్న మాటలు అర్ధమయ్యేలా చెపుతూ వుండాలి.

ఈ సమయంలో ఆహారం పెట్టటం వీరికి చాలా కష్టమైన పని. పిల్లలకు వివిధ ఆహారాల రుచులు తినిపించాలి. ఆహారం వారికి 30 నిమిషాలకంటే అధికంగా తినిపించకండి. చాక్లెట్లు, కూల్ డ్రింకులు, టీ, కాఫీ వంటివి తాగించకండి. అవి బిడ్డ శరీరానికి హాని కలిగిస్తాయి. పిల్లాడు వీటిని తింటే పోషక విలువలు కల ఆహారాలు తినలేరు.