బేబీ స్నానం మరియు నిద్ర!

Baby

oi-Nageswara

By B N Sharma

Published: Thursday, March 1, 2012, 13:00 [IST]

కొత్తగా పుట్టిన బిడ్డలకు రాత్రి స్నానం ఎంతో హాయినిస్తుంది. బిడ్డకు చక్కని నిద్ర పట్టేలా చేస్తుంది. మీరు బేబీ స్నానానికి ఏర్పరచే నీరు సరైన వేడిలో వుందో లేదో పరిశీలించండి. అందుకుగాను మీ మోచేయి లేదా బేబీ బాత్ ధర్మామీటర్ ఉపయోగించండి. బేబీల స్నానానికి సబ్బు లేదా ఇతర ఉత్పత్తులు వీలైనంత తక్కువగా వాడండి. అసలు నీరు మాత్రమే వారికి చాలు.

బేబీకి ప్రతిరోజూ స్నానం చేయించాల్సిన అవసరం లేదు. అది వారి చర్మాన్ని పొడి చేస్తుంది. ప్రతి రెండు లేదా మూడు రోజులకొకసారి చేయిస్తే సరిపోతుంది. పిల్లల స్నానం సమయం కొద్ది నిమిషాలు వుండాలి. అధికసమయం వారికి జలుబు తేలికగా కలిగిస్తుంది. బేబీ తలపై తుడవాలంటే గట్టిగా తుడవద్దు. టవల్ తో అద్దితే చాలు.

బేబీకి మసాజ్ చేయించాలంటే, ఆమె అందుకు సిద్ధంగా వుండాలి. మాట వినకుంటే వదిలేయండి. మసాజ్ కు గాను నేలపై పరచిన చాప, దుప్పటి వంటివి బాగా పనికి వస్తాయి. మీ చేతులకు కొద్దిపాటి ఆలివ్ ఆయిల్ రాసుకొని బేబీ పొట్ట, కాళ్ళు, చేతులు మెల్లగా మసాజ్ చేయండి. నూనె కంటిలో పడకండా జాగ్రత్త పడండి. స్నానం తర్వాత బేబీకి గాలి బాగా ఆడే కాటన్ షర్టు వేయండి. బేబీ నిద్రించే రూమ్ ఉష్ణోగ్రత 16 నుండి 18 డిగ్రీ సెంటిగ్రేడ్ వుండాలి. బేబీకి పరచే పక్క బట్టలు కూడా శుభ్రతగా వుండి చక్కటి వేడి పుట్టించడానికి మడతలు వేయబడి వుండాలి.