గడబిడ చేసే బిడ్డకు ఊరటనిచ్చే చిట్కాలు!

By B N Sharma

Published: Friday, February 24, 2012, 16:01 [IST]

బేబీలు ఊరికే గుక్కపట్టి ఒక్కోసారి ఏడ్చేస్తుంటారు. ఎంత సముదాయించినా ఏడుపు ఆపరు. బేబీలు ఏదైనా చెప్పాలనుకుంటే మరి ఏడుపు ఒక్కటే సాధనం. అయితే, బేబీ ఎందుకు ఏడుస్తోందనేది చాలా వరకు తల్లితండ్రులకు అర్ధం అవుతుంది. సాధారణంగా ఆకలి, డైపర్ తడవటం, చెవి, పొట్ట నొప్పి వంటివిగా కారణమవుతాయి. ఆసమయాలలో బేబీని ఊరుకోబెట్టటం ఎంతో అవసరం. ఆ సమయంలో ఏం చేయాలి?

మసాజ్ - ఏడ్చే పిల్లలను ఊరుకోబెట్టాలంటే మసాజ్ ఒక అద్భుత చర్య. బేబీ వీపులేదా పొట్టపై , చేతులు కాళ్ళపై సువాసనగల నూనెవేసి మసాజ్ చేయండి. మసాజ్ క్లాక్ వైజ్ దిశగా వుండాలి.
ఊయల - బేబీని ఒక గుడ్డ ఊయలలో పడుకోబెట్టి ఊపుతూ వుంటే బేబీ భధ్రత భావించి ఊరుకుంటుంది.
కాళ్ళు - బేబీని ఎపుడూ ఒక పొజిషన్ లో వుంచితే బోర్ కొట్టి కూడా ఏడుస్తుంది. బేబీని కాళ్ళపై పడుకోబెట్టి ఊయలలాగా ఊపుతూ వుంటే కూడా ఏడుపు ఆపేస్తుంది.
పాలు - ఏడ్చే బిడ్డకు పాలు పట్టేసినా కొంత సౌకర్యంగా భావించి ఊరుకుంటుంది. ఈ భంగిమలో బిడ్డకు పాలే కాక తల్లి ఒడి సౌకర్యం కూడా భావించి ఆనందిస్తుంది.
వేడినీటి స్నానం - బేబీకి వేడినీటితో స్నానం చేయిస్తే ఊరట చెంది ఏడుపు ఆపేస్తుంది.
పాట - ఆనందాన్నిచ్చే ధ్వనులు చేయండి. లేదా మీరే చక్కని పాటలు పాడండి. వీటిని వింటూ కూడా బేబీ ఏడుపు ఆపేసే అవకాశంవుంది.