కొత్త పుంతలు తొక్కుతున్న సంతాన సాఫల్యత!

ఇన్ విట్రో ఫెర్టిలైజేషన్ లేదా ప్రయోగశాల ఫలదీకరణలో మహిళకు ఒక బేబీని పుట్టించుకునే అవకాశం వుంటుంది. ఈ ప్రక్రియలో మహిళకు బిడ్డలు పుట్టే అవకాశం లేకుంటే వైద్యులు, ఆమె గర్భంలో ఫలదీకరణ చెందిన రెండు లేదా మూడు అండాలను ప్రవేశ పెడతారు. అవి కనుక గర్భంలో విజయవంతమైతే కవలలు లేదా ముగ్గురు పిల్లలు కలగటం కూడా జరుగుతోంది. అయితే, ఈ ప్రక్రియ పిల్లలు పుడతానికి ఇక అవకాశం లేక 35 సంవత్సరాలు దాటిపోయాయనుకున్న వారికి విజయవంత మవుతోంది కూడాను.

అయితే, ఈ రకంగా ఒకేసారి పుట్టే ఇద్దరి పిల్లలకు ఒకే పోలిక కూడా వుండకపోవచ్చునంటారు. అదే రకంగా వీరికి ఒకే రకమైన అలవాట్లు కూడా వుండకపోవచ్చు. అయితే, ప్రయోగశాల ఫలదీకరణలు లేకుండా కూడా సహజంగానే 30 సంవత్సరాల వయసు పైబడిన మహిళలకు కూడా కవలలు కలిగే అవకాశాలున్నాయని కూడా రీసెర్చర్లు చెపుతున్నారు. ప్రఖ్యాత బాలీవుడ్ డైరెక్టర్ ఫరా ఖాన్ ముగ్గురు పిల్లలకు ఒకేసారి జన్మనిచ్చింది. తాజాగా బాలీవుడ్ నటుడు అమీర్ ఖాన్ సతీమణి డైరెక్టర్ కిరణ్ రావు కూడా ఇన్ విట్రో ఫెర్టిలైజేషన్ ద్వారానే ఒక బేబీని ప్రసవించడం జరిగింది.