గర్భ నిర్ధారణ ఎలా?

లక్షణాలు చాలా వరకు మీ పిరియడ్ ముందు ఎలా వుంటాయో అలానే అనిపిస్తూ వుంటాయి. అయితే శరీర ఉష్ణోగ్రతలు పెరిగి వుంటాయి. ఒక వారం గడిచేటప్పటికి వికారంగా వుండటం, వాంతులు అవడం మొదలవుతుంది. కొంతమందిలో ఇది ఉదయంవేళ వుండగా, మరి కొందరిలో రోజంతా వుంటుంది. ఇది తగ్గాలంటే ఆహారం కొద్దిగా తరచుగా తీసుకోవాలి. ఉప్పుగా వుండే బిస్కట్ల వంటివి స్నాక్స్ గా తీసుకుంటే రిలీఫ్ లభిస్తుంది.

ఈ సమయంలో ప్రొటీన్లు, కార్బో హైడ్రేట్లు కల ఆహారం గర్భవతి మహిళ బాగా తినాలి. నిద్రించేముందు ఒక ఆపిల్, ఒక గ్లాసు పాలు తాగి పడుకుంటే, మరుసటి రోజు ఉదయ వికారం, వాంతులు వుండవు. గర్భధారణ సమయంలో మహిళకు ఏర్పడే ఇబ్బందులు, మొదటి త్రైమాసికం అయ్యేసరికి పూర్తిగా సర్దుకుంటాయి.