గర్భ ధారణ లక్షణాలు ఎలా వుంటాయి?

By B N Sharma

Published: Thursday, May 10, 2012, 14:39 [IST]

మహిళ ఒకసారి పిరియడ్ మిస్ అయిందంటే....గర్భం ధరించినట్లేనా? పిరియడ్ మిస్ అయిన వెంటనే గర్భం ధరించినట్లయితే దాని లక్షణాలు ఎలా వుంటాయి? గర్భం ధరించిన వెంటనే కనపడే లక్షణాలు సాధారణంగా ప్రెగ్నెన్సీ హార్మోన్ హెచ్ సిజి లేదా హ్యూమన్ క్రయోనిక్ గొనడోట్రోపిన్ అనే హార్మోన్ కు సంబంధించినవి. ఈ హార్మోన్ ప్రెగ్నెన్సీ గుర్తులను చూపుతుంది. అయితే, చాలామందిలో ఈ హార్మోన్ పిరీయడ్ తప్పినప్పటికి కనపడదు. కాని కొంతమంది మాత్రం పిరియడ్ మిస్ కాకుండానే కూడా గర్భవతి లక్షణాలుచూపుతారు. గర్భం ధరించిన ఒక వారానికే నిర్ధారణ చేయగల పరీకన్షలు కూబడా వున్నాయి. అది కూడా పిరియడ్ మిస్ కాకుండానే తెలిసిపోయే పరీక్షలు. గర్భం ధరించిన మహిళలో ప్రెగ్నెన్సీ లక్షణాలు రోజు రోజుకు ఎలా మారుతూంటాయి అనేది పరిశీలించండి.

గర్భం ధరించగానే కనపడే లక్షణాలు మహిళ మహిళకు మారుతూంటాయి. ఒకే మహిళకు గర్భానికి మరో గర్భానికి కూడా మారుతూంటాయి. అన్ని లక్షణాలకంటే కూడా ఖచ్చితంగా తెలుపాలంటే అది మహిళకు వచ్చే నెలసరి పిరియడ్ మిస్ అవటమనేది లేదా లేట్ గా రావటమనేది మాత్రమే. మరింత ఖచ్చితంగా తెలియాలంటే గర్భ ధారణ పరీక్ష పాజిటివ్ గా రావటమే. గర్భవతి లక్షణాలు అర్ధం చేసుకోవడం ప్రధానం. ఎందుకంటే ప్రతి లక్షణం కూడా గర్భ ధారణ కాని అంశాలతో కూడా ముడిపెట్టి వుంటుంది. కొంత మంది మహిళలు ఫలదీకరణ లేదా అండోత్సర్గం జరిగిన వారం లోపే లేదా గర్భం ధరించిన వారం లోపే దానిని తెలుసుకుంటారు.

మరికొంతమంది మహిళలలో గర్భధారణ చిహ్నాలు లేదా గుర్తులు ఆలస్యంగా కనపడతాయి.మరికొంతమంది మహిళలలో అసలు చిహ్నాలుకనపడవు, వీరికి పరీక్షల ద్వారానే నిర్ధారించాలి. లక్షణాలు ఎలా వుంటాయంటే? మహిళ శరీర ఉష్ణోగ్రత తగ్గుతుంది. పింక్ లేదా బ్రౌన్ రంగులో రక్తస్రావం కొద్దిగా కనపడుతుంది. పొత్తికడుపు కింది భాగంలో నొప్పులు వస్తాయి. ఇవి అండోత్సర్గం జరిగిన 8 లేదా 10 రోజులలో కనపడతాయి. హెచ్ సిజి పరీక్ష మూత్రపు పరీక్షలలో పది రోజులకు తెలుస్తాయి. రెండు నుండి నాలుగు వారాలకు వికారం కలుగుతుంది.

మూడు లేదా నాలుగు వారాలలో స్తనాలు చనుమొనలు మెత్తపడతాయి. 3 నుండి పది వారాలలో అలసట, కలుగుతుంది. 3 నుండి పది వారాలకు వాంతులు అవుతాయి. ఒకటి నుండి రెండు నెలలకు కొన్ని ఆహారాలు అంటే పుల్లటి మామిడికాయ వంటివి తినాలని కోరిక కలుగుతుంది. కొంతమంది మహిళలకు నెలలు నిండి కాన్పు అయ్యే చివరివరకు కూడా డైలీ రొటీన్ లో మార్పు కలగదు. మరి కొంతమందికి మొదటినుండి సమస్యలుగానే వుంటాయి.