భార్య గర్భవతి ఐతే వెన్నంటి ఉండే భర్త తెలుసుకోవలసిన చిట్కాలు...

Basics

oi-Saraswathi

By Sindhu

Published: Monday, September 3, 2012, 13:49 [IST]

మానవ జీవన విధానంలో ముఖ్యంగా మహిళ జీవితంలో గర్భాధారణ అనేది ఓ సృష్టి రహస్యం. ఇది మహిళలకు దేవుడిచ్చిన ఓ అపురూపమైన కానుక అనే చెప్పవచ్చు. పుట్టబోయే బిడ్డకు ఓ కొత్త ప్రపంచాన్ని చూపించడానికి శాయశక్తుల కష్టపడేది స్త్రీ. అలాంటి స్త్రీ కోసం గర్భందాల్చినప్పుడు కుటుంబ సభ్యులు, కానీ భర్తాకానీ ఎలాంటి జాగ్రత్తలు తీసుకోవాలో చూద్దాం.. ప్రెగ్నెన్సీ నిర్ధారణ అయినప్పటి నుండి గర్భిణీ తన ఆరోగ్యం గురించి తగిన జాగ్రత్తలు తీసుకోవాలి. ఒక్క ఆరోగ్యమే కాదు మానసిక ఆరోగ్యం మీద శ్రద్ద వహించడానికి ఇది ఒక ఉత్తమమైన సమయం. అందుకు ముఖ్యంగా ఫ్యామిలీ సపోర్ట్ అవసరం. మరీ ముఖ్యంగా భర్త నుండి కూడా తగనంత సపోర్ట్ చాలా అవసరం.

గర్భాధారణ సమయంలో చాలా మంది మహిళలు ఉదయం ఎక్కువగా నీరసంగాను, వామిటింగ్స్ సెన్సేషన్, వికారం లాంటివి ఎక్కువగా బాధిస్తుంటాయి. వామిటింగ్స్ అనేవి వ్యక్తుల మధ్య వ్యత్యాసం ఉంటుంది. కొందరిలో 3నెలల వరకూ ఉంటుంది. అలాగే మొదటి సారి గర్భం దాల్చే స్త్రీలలో ఆందోళన, అనేక సమస్యలు, ప్రశ్నలతో సతమతమౌతుంటారు. కాబట్టి అలాంటి సమయంలోనే భర్త వెన్నంటి ఉండి సరైన జాగ్రత్తలు తీసుకొని తగిన సలహాలిస్తుండాలి. నీకు, నేనున్నాంటూ భరోసాను కలిగించి, ఆమె ఆందోళ చెందుతున్న విషయాలను తెలుసుకొని వాటికి పాజిటివ్ గా సమాధానాలనించి ధైర్యం ఇవ్వాలి. ఆమెను ఎప్పుడూ సంతోషంగా ఉండేలా చూసుకోవాలి. తల్లి ఎంత సంతోషంగా, ఆరోగ్యంగా గడుపుతుందో, దాని మీదనే కడుపులో పెరిగే బిడ్డపై ప్రభావం ఉంటుంది. .

ఆరోగ్యమైన శిశువు కొరకు అన్ని కలిసిన పౌస్టికాహారము అనగా ఎక్కువపాలు, పండ్లు, ఆకుకూరలు, పప్పు, మాంసము, చేపలు వగైరా ఇస్తుండాలి. గర్భిణీ స్త్రీ మొదటి రెండు మాసాల్లో ఎక్కువగా ఇష్టపడి తినే ఆహారాన్నే చివరి తొమ్మిది నెలల వరకూ అందించ కూడదు. మొదటి ఆరునెలలు .... నెలకొకసారి, ఏడు -ఎనిమిది నెలల్లో నెలకు రెండు సార్లు, తొమ్మిదోనెలలో వారానికొకసారి వైద్యపరీక్షలు అవసరము. గర్భిణి గర్భాధారణ గురించి పూర్తి అవగాహన కలిగి ఉండాలి. అందుకోసం ఇతర మహిళల సలహాల మాత్రమే పాటించకుండా, మీకు దగ్గరలో ఉన్న బుక్ సెంటర్స్ లో దొరికే గర్భాధారణకు సంబంధించిన పుస్తకాలను చదవండ వల్ల తెలియని విషయాలను కూడా కొన్నింటిని తెలుసుకోవచ్చు. భర్త ఇటువంటి వాటిల్లో పూర్తి సహకారాన్ని అందించాల్సి ఉంటుంది. ఆమె తెలియనివి తెలుసుకొని వివారించాల్సిన బాధ్యత భర్తదే...

గర్భాధారణ సమయంలో స్త్రీని ఎక్కువగా బాధించే సమస్యలు, బ్యాక్ పెయిన్, పాదాలు వాపులు. వీటి నుండి బయట పడేందుకు అప్పుడప్పుడు వెన్నుకు సున్నితమైన మర్ధన అవసరం. అలాగే పాదాలను గోరు వెచ్చని నీటిలో ముంచి, ఐదు పదినిమిషాల తర్వాత బయటకు తీస్తుండాలి. గోరు వెచ్చని నీటితో ప్రతి రోజూ స్నానం చేయించాలి. దాంతో తల్లి, బిడ్డకు క్షేమం, సురక్షితం, రిలాక్స్ గా ఫీలవుతారు.

అలాగే ఆమెకు పౌష్టికాహారం అందిస్తుండాలి. ఆమెను సంతోష పెట్టడానికి ఎప్పుడూ చిరుతిండ్లు, పండ్లు, పలహారాలే కాకుండా ఆమెకు ఇష్టమైన పనులను చేస్తూ, ఆమెకు ఇష్టమైన పువ్వులను తెచ్చి ఇచ్చి సర్ ప్రైజ్ చేయాలి. ఆమె ఇంట్లోనే ఉంటూ బోర్ ఫీలవుతుంటే కనీసం వారానికి ఒక రోజు బయటకు తీసుకెళ్ళాలి. ఆమె నడవాడినికి సౌకర్యవంతంగా, ప్రశాంతంగా ఉండే పార్క్ కైనా, రొమాంటిక్ అవుట్ డోర్ డిన్నర్ కైనా సరే.