అధిక కొవ్వు…సంతానలేమి!

శరీర ఆరోగ్యం, ఆహారపు అలవాట్ల గురించి చేసిన పరిశోధనలో హోటళ్ళలో లభించే ఆహార పదార్ధాలు, కొవ్వు అధికంగా ఉండే రుచికరమైన పదార్ధాలు సేవించడం వల్లే యువతలో వీర్యకణాల ఉత్పత్తి క్షీణిస్తోందని నిరూపణ అయ్యిందని పరిశోధకులు తెలిపారు. 35 శాతం మంది యువకులలో ఇటువంటి పొరపాట్ల వల్లే సంతానలేమి ఏర్పడుతోందని పరిశోధకులు తెలిపారు.అదేవిధంగా అధికంగా పొగతాగడం , ఆల్కహాల్ తాగడం, మానసిక ఒత్తిడి మొదలైనవి కూడా వీర్యకణాల ఉత్పత్తి లోపానికి కారణమవుతున్నాయని పరిశోధనలో తేలింది.

అయితే, “ఒమేగా 3″ కొవ్వు నిల్వలు కలిగి ఉన్న ఆహార పదార్ధాలను సేవించిన పురుషులకు వీర్యకణాల ఉత్పత్తిలో లోపమేమీ ఏర్పడలేదని కూడా పరిశోధనలో తేలింది. పురుషుల లోపాలను పోగొట్టేందుకు, ఒత్తిడి తగ్గి వీర్య కణాల లోపం నివారించబడి మంచి ఫలితాలు కలిగేందుకు జాజికాయ మంచి ఔషధంగా చెపుతారు. ఇది కామ వాంఛని పెంచుతుంది. వీర్యకణాల ఉత్పత్తిని వృద్ధిచేస్తుందని పరిశోధనలో తేలింది.