పిల్లలు పుట్టాలని కోరేటపుడు.....?

ఆమెకు ఎన్నో సందేహాలు వస్తాయి. ఏమి తినాలి? కాఫీ తాగవచ్చా తాగరాదా? అందులోని కేఫైన్ గర్భం ధరించేందుకు హానికరమా? ఏ రకమైన ఆహారాలు తినాలి? ఏ రకమైన వ్యాయామాలు చేస్తే ఆరోగ్యకరంగా ఫలదీకరణం జరుగుతుంది? వంటివన్నీ ఆమెను వేధిస్తాయి. వైద్య నిపుణుల మేరకు అండోత్సర్గ సమయంలో ఆరోగ్యంగా వుండటం, విశ్రాంతిగా వుండటం వంటివి ప్రధానంగా చెపుతారు. ఈ అంశంలో అవగాహనకై నిపుణుల సలహాలే కాక నేటి రోజులలో అనేక పుస్తకాలు, వెబ్ సైట్లు వచ్చేశాయి. కనుక వాటి సహాయంతో ఆమె గర్భం ధరించిన తర్వాత తీసుకోవలసిన జాగ్రత్తలు సైతం పాటించవచ్చు.

గర్భాన్ని ధరించాలనుకునే మహిళ ఆరోగ్యాన్నిచ్చే ఆహారాలను తీసుకుంటూ వ్యాయామం వంటివి చేస్తూ వుంటే, ఆమె పిరియడ్స్ ఖచ్చితమైన సమయానికి వచ్చి అండం విడుదలకు తర్వాతి దశలో సంభోగంలో ఫలదీకరణకు దోహదం చేస్తాయి. రెండే రెండు వారాలలో జరిగే ఈ ప్రక్రియకు ఆమె తన జీవన విధానాన్ని మార్చుకుని ఆశావహంగా కూడా వుండాలి. గర్భధారణ నిర్ధారణకై చేసే పరీక్షలు సఫలవంతమై ఆమె గర్భం ధరించే అవకాశాలు మెండుగా వుంటాయి.