మీ పిల్లల ఫ్రెండ్స్ పట్ల శ్రధ్ధ వహించండి!

తల్లి తండ్రులు, టీచర్ల తర్వాత పిల్లలు వారి స్నేహితులతోనే అధిక సమయం గడుపుతారు. స్నేహితుల వివరాలను పిల్లలు చెపుతూంటే, శ్రద్ధగా వినండి. వారిలోని మంచి గుణాలను ఆచరించమని పిల్లలకు చెప్పండి. మీ పిల్లాడి మాటల్ని నమ్మండి. అతని స్నేహితుల మంచి గుణాలు ప్రశంసించండి. అయితే, పిల్లాడిని వారితో పోల్చకండి. పిల్లల స్నేహితులతో కలిసే అవకాశాలు అధికంగా వుంటే, మీరు కొంతమంది పిల్లల్ని స్నేహానికి అంగీకరించకపోవచ్చు.

స్నేహాలు పిల్లలు స్వార్ధానికి ఉపయోగించుకోనంతవరకు తల్లితండ్రులు జోక్యం చేసుకోనవసరం లేదు. వారిలోని మంచి చెడులను తెలుసుకునేటందుకు మీ పిల్లాడికి తెలియజెప్పండి. మీ పిల్లాడు తన భావాలను స్నేహితులకు తెలిపేటందుకు మీరు సహకరించండి. పరీక్షల సమయంలో వారికి సహకరించడం, మీ పిల్లాడి పుట్టిన రోజు లేదా పండుగలు మొదలైన వాటికి ఇంటికి పిలవడం వంటి చర్యలు మిమ్మల్ని మీ పిల్లలకు దగ్గర చేయటమే కాక, అతని స్నేహితులను కూడా దగ్గర చేస్తాయి.