పిల్లల పట్ల పెద్దలు ఎలా?

1. వారి విజ్ఞానం పెరిగేటందుకు అపుడపుడు ఒక చిన్న వినోద యాత్రకు తీసుకు వెళ్ళాలి. కొంచెం కష్టమైనప్పటికి ఈ చర్య వారితో మీకు అనుబంధాన్ని పెంచటమే కాక వ్యక్తిత్వం ఏర్పడేలా చేస్తుంది.
2. వారికి ముద్దు పేర్లు పెట్టండి. ఈ పేర్లు వారిపట్ల మీకు గల ప్రేమ, ఆప్యాయతలను ప్రదర్శిస్తాయని తెలుపండి.
3. చిన్నపాటి నడకలు, చిన్నపాటి ప్రత్యేక సంభాషణలవంటివి అపుడపుడూ చేస్తే వారి సమస్యలకు పరిష్కారంగా కూడా వుంటుంది. ఆనందం కలిగిస్తుంది.
4. ప్రశ్నలడగండి. సూపర్ శక్తులు నీకు వస్తే ఏం చేస్తావ్, లక్ష రూపాయలిస్తే ఏం చేస్తావ్ అంటూ వారి ఆలోచనా శక్తిని పెంచే చర్యలు చేయండి.
5. ప్రతిరోజూ వారితో కలిసి కనీసం ఒకసారి భోజనం చేయండి.
6. రాత్రి పడక సమయంలో వారితో కలిసి ప్రార్ధన చేయండి. భగవంతునిపట్ల విశ్వాసం క్రమశిక్షణనిస్తుంది.
7. వారికి అందుబాటులో వుండండి. పిల్లలు ప్రధానం అనే విషయాన్ని మీరు ఆచరిస్తున్నట్లు వారిని గ్రహించనీయండి. దూరంగా వుంటే...సెల్ ఫోన్ లో మాట్లాడండి.
8. వారి రోజూవారీ చర్యలను కూడా మీ షెడ్యూల్ లో చేర్చండి.

పిల్లలు బాణం వంటి వారని బైబిల్ చెపుతుంది. మీరు వారిని ఎలా సంధిస్తే వారలా దూసుకుపోతారు. వారికి మీరే ఆదర్శం. మీరు వారిపట్ల ఎలా ప్రవర్తిస్తే భవిష్యత్తులో వారలా తయారవుతారు.