పిల్లలతో సమయం గడుపుతున్నారా?

By B N Sharma

Published: Wednesday, September 14, 2011, 16:57 [IST]

Do Working Couple Have Time To Spend With Kids?

లండన్: బాగా కష్టించి పనిచేసే బ్రిటీష్ తల్లితండ్రులు సాధారణ కుటుంబ జీవితాన్ని గడపటానికి సమయం కేటాయించలేకపోతున్నట్లు తెలుస్తోంది. ఒక్క అయిదు నిమిషాలు అధికంగా పిల్లలతో గడిపేందుకు వారు ఎంతో కష్టపడుతారు. యువత వలే, తల్లి తండ్రులు కూడా వారి వారి హాబీలను ఆచరించటానికి లేదా కొద్దిసేపు రిలాక్స్ అవటానికి వారికి సమయం లేనట్లు కూడా సర్వేలో తేలింది.

డిస్నీ కొత్త సైటు యుకె ఫ్యామిలీ.కో.యుకె ప్రారంభోత్సవం సందర్భంగా సర్వే 84 శాతం మంది తల్లులు శారీరకంగా అలసి పోతున్నారని, 71 శాతం మంది మానసికంగా అలసిపోతున్నారని, 68 శాతం ఎమోషనల్ గా అలసి పోతున్నారని గుర్తించింది. సర్వే చేసిన 10 మంది తల్లులలో ఏడుగురు (68 శాతం) ప్రతి నిత్యం అలసిపోతున్నట్లు తేలింది.

1950లు, 60లు, 70 సంవత్సరాలలో తల్లులకుండే ప్రాధాన్యత వింటూ వుండేవారం. కాని నేటి రోజులలో వున్న తల్లుల కష్టాలు గతంలో ఎన్నడూ లేవని యుకె ఫ్యామిలీ కో.యూకే జనరల్ మేనేజర్ డాని జూర్, తెలిపినట్లు బ్రిటీష్ టాబ్లాయిడ్ 'ది సన్' వెల్లడించింది. నేడు చాలా కుటుంబాలకు జీవనం గడవటానికి తల్లితండ్రులిద్దరి ఆదాయం కావాలని, అంటే సాధారణ కుటుంబ జీవితానికి తక్కువ సమయం కలదని రుజువవుతోంది. కనుక తల్లితండ్రులు వారి పిల్లలకు కేటాయించదగిన సమయమంతా కేటాయించి, తమకు కూడా కొంత సమయాన్ని కేటాయించుకోవాలి.

ఆధునిక జీవిత అవసరాలను సమకూర్చటానికి తల్లితండ్రులు శ్రమిస్తున్నారు. కాని ఈప్రక్రియలో వారు తమ ఆరోగ్యాన్ని, పిల్లల సంరక్షణా భాధ్యతలను విస్మరించాల్సి వస్తోంది. తమకంటూ కొంత సమయాన్ని ఒక స్నేహితుడితో గడపటానికి లేదా హాయిగా బాత్ రూమ్ స్నానంతో గడపటానికి కేటాయించుకొని ఆనందించాల్సివుంది.