చేప నూనె పిల్లలను చురుకుగా వుంచుతుంది

Kids

oi-Nageswara Sharma

By B N Sharma

Published: Monday, August 29, 2011, 16:27 [IST]

మీ పిల్లలు చురుకుగా వుండాలా? పరీక్షలలో అధిక మార్కులు సంపాదించాలా? అవును....అంటే వారికి ప్రతి రోజూ చేపనూనె ఇవ్వండి. తాజాగా చేసిన అధ్యయనం మేరకు చేపనూనె తాగిన పిల్లలు ఎంతో చురుకుగా వుంటారని తేలింది. ఈ అధ్యయనం బ్రిటన్ లో కొంతమంది పిల్లలపై చేయబడింది. చేపనూనె తాగిన పిల్లలు తమ మైండ్ పవర్ అధికం కావటం చేత, సాధారణంగా వున్న పిల్లలకంటే అధికమైన మార్కులు పరీక్షలలో సంపాదించారట.

అధ్యయన కారులు తమ పరిశోధనలో సుమారు 3,000 మంది విద్యార్ధులను పరిశీలించారు. వారికి ఆరు నెలలపాటు ప్రతి రోజూ చేపనూనె కేప్సుల్స్ అంటే వారి పరీక్షల సమయం వరకు ఇచ్చారు. వీరిని తమ పరిశోధనలో లేని సామాన్య పిల్లలతో పోల్చి చూశారు. కేప్సుల్స్ ఇచ్చిన పిల్లలు తమ పరీక్షలలో రెండు గ్రేడులు అధికంగా పొందారు.

అయితే, తమ బృందం చేసిన పరిశోధనలు సైంటిస్టులనుండి తీవ్ర విమర్శలకు గురవటంతో ప్రాజెక్టు నిలిపివేసినట్లు అధ్యయన కర్త ప్రొఫెసర్ టామ్ శాండర్స్ తెలిపినట్లు ది డైలీ టెలిగ్రాఫ్ వార్తా పత్రిక పేర్కొంది.