పిల్లలలో వ్యక్తిత్వం ఏర్పడాలంటే?

By B N Sharma

Published: Thursday, December 29, 2011, 12:08 [IST]

పిల్లాడు అబద్ధాలు చెపుతున్నాడని తెలిస్తే చాలా చికాకుగా వుంటుంది. అతను ఏరకమైన అబద్ధాలు చెపుతున్నాడు, ఎందుకు చెపుతున్నాడు వాటిపై స్కూలులోని ఇతర పిల్లల ప్రభావం వుందా? ఈ రకమైన ప్రవర్తన నేర్చుకోడానికిగల కారణాలేమిటనేది బాగా స్టడీ చేయండి. పిల్లాడికి నిజం చెప్పాలనే అంశాన్ని మీరు తప్పక వివరించాలి. ఈ పరిస్ధితి తల్లితండ్రులందరకు ఏర్పడుతుంది. మరీ హద్దులు మీరుతుంటే అతని ప్రవర్తన సరిచేయటానికిగాను ఒక పిల్లల విషయ నిపుణుడిని సంప్రదించటం చేయాల్సి వుంటుంది.

పిల్లలు చనిపోయిన వారు ఎందుకు కనపడరనేటటువంటి అంశాలను, వారి స్ధాయికి తగని అంశాలను కొన్ని సార్లు ప్రశ్నిస్తారు. వారి స్ధాయిని బట్టి ఈ విషయం వారికి అర్ధమయ్యేలా తెలుపాలి. మీకు తెలిసినంతవరకు అతనికి అర్ధమయ్యే రీతిలో విషయాలు తెలుపండి. పిల్లలు ఇపుడు గతంలో కంటే కూడా తెలివితేటలతో వున్నారు. మీరు సరిగ్గా చెప్పక ఏ మాత్రం విషయం దాచినప్పటికి వారు ఇతర మార్గాలలో సమాచారాన్ని రాబట్టేస్తారు. కనుక వారికి అర్ధమయ్యే భాషలో చనిపోవటం అంటే ఏమిటి? వారెందుకు తిరిగి కనపడరు వంటి ప్రశ్నలకు జవాబులు వివరించండి.

పిల్లలలో మంచి ప్రవర్తన తీసుకురావాలంటే, తల్లితండ్రులు, వారిపట్ల అనురాగం, ప్రేమ ఆప్యాయతలు చూపుతూ, వారికి రోజువారీ సమస్యలలో పూర్తిగా సహకరించాలి. మీరిచ్చే మార్గదర్శకతలు, వివరణలు, సమాచారం వంటి వాటితో వారు జీవితంలో పూర్తి వ్యక్తిత్వాన్ని సంతరించుకునే అవకాశం వుంది.