సింగిల్ పేరెంటింగ్ లో చిట్కాలు!

పెద్దలు తాము ఏ కారణాలవలన విడిపోయినప్పటికి పిల్లల పట్ల భాధ్యతలేనట్లు వుండటం సరికాదు. పిల్లలకు భాధ్యత వహించే పేరెంటు అన్ని రకాలుగా వారి పెంపకానికి కృషి చేయాలి. పిల్లాడికిగాను ఇంటివద్ద లేదా స్కూలులో పనులకు అధిక సమయం కేటాయించాలి. జంటలు విడాకులు పొందిన తర్వాత బాధ పడేది వారే కాదు, వారి తర్వాత మొదటగా పిల్లలు కూడా అనేక ఇబ్బందులు పడతారు. ప్రత్యేకించి వారిలో కొద్దిపాటి అభధ్రత కూడా ఏర్పడుతుంది.

అందుకుగాను పిల్లలపై పూర్తి శ్రద్ధ వహించి వారిని అన్ని చర్యలలోను తగిన రీతిలో ప్రోత్సహించాలి. వారిపట్ల సహనం వహించాలి. వారి అవసరాలకు మించిన సమయం మీరు కేటాయిస్తున్నట్లు వారు గ్రహించాలి. పిల్లలు చెప్పేది శ్రధ్ధగా వినండి. వారి ఆత్మవిశ్వాసం పెరుగుతుంది. మీరు విడిపోయారన్న భావన వారికుండదు. వారికిగల మానసిక వేదన తొలగించాలి. ఏ పరిస్ధితికైనా సరే మీరు పిల్లాడిని ఆదుకుంటారన్న భావన కలిగించాలి. పెద్దలు ఏ రకంగా విడిపోయినప్పటికి పిల్లల జీవితాల పట్ల పూర్తి సహకారం అందించి వారిని ఒక గొప్ప వ్యక్తిత్వమున్న మనుషులుగా తీర్చి దిద్దాలి.