వర్షం పడితే ....హాచ్... వేసవి వస్తే వడదెబ్బ!

By B N Sharma

Published: Friday, May 25, 2012, 12:23 [IST]

పిల్లలలో కాలాన్ని బట్టి వ్యాధులు వస్తూనే వుంటాయి. వర్షాకాలంలో దగ్గు, జలుబు వంటివి. శీతాకాలం చలి, జ్వరం, వేసవిలో, వడదెబ్బలు వంటి అనేక వ్యాధులు పిల్లలకు తేలికగా వచ్చేస్తాయి. మరి ప్రతి సంవత్సరం క్రమం తప్పకుండా ఇదే రకంగా సీజనల్ వ్యాధులు వారికి వచ్చేస్తూంటే, వారికే కాదు ఇంటిలో పెద్దలకు కూడా సమస్యగానే వుంటుంది.

ఈ సీజనల్ అలర్జీలకు కారణం బయట వుండే పురుగులు లేదా చెట్లు, గడ్డి, పిచ్చి మొక్కలు వంటివి చిన్న చిన్న కణాలను గాలిలోకి తమ ఫలదీకరణకొరకు పంపుతాయి. ఆ గాలిని మనం పీలుస్తూ అనారోగ్య సమస్యలు తెచ్చుకుంటాం. రోగనిరోధక శక్తి అధికంగా లేని వారికి ఇవి మరింత త్వరగా వ్యాపిస్తాయి. పిల్లలలో రోగ నిరోధక శక్తి తక్కువగా వుంటుంది కనుక వారికి మొదటగా అతి త్వరగా ఈ సమస్యలు వచ్చేస్తాయి.

బయటనుండి వచ్చి శరీరంలో హాని కలిగించే బాక్టీరియాతో శరీర రోగ నిరోధక వ్యవస్ధ పోరాడుతుంది. పోరాటానికి అవసరమైన రసాయనాలు, హిస్టమైన్స్ వంటివి రక్తంలోకి పంపించి శరీరాన్ని కాపాడుతుంది. ఈ రసాయనాలు రిలీజ్ కాగానే పిల్లలలో అలర్జీ లక్షణాలు కనపడుతూంటాయి.
లక్షణాలు కనపడితేనే అది ఏరకమైన అలర్జీ అనేది కనిపెట్టగలము. ఇవి మీరుండే ప్రదేశాలను బట్టి కూడా మారతాయి.

గతంలో పిల్లలకు ఈ అలర్జీలు లేకపోయినప్పటికి అవి సంవత్సరంలో ఏ సమయంలోనైనా రావచ్చు. అయితే సాధారణంగా అవి 10 సంవత్సరాల వయసునుండి మొదలై, వారి 20 ఏళ్ళ వయసు నాటికి అధికం అవుతాయి. అవే లక్షణాలు పెద్దవారైనప్పటికి కనపడుతూంటాయి. ప్రతి సంవత్సరం మీ పిల్లాడు జలుబుకు గురవుతూంటే, అది సీజనల్ అలర్జీగా గుర్తించవచ్చు. దీని లక్షణాలు తుమ్ములు రావటం, ముక్కు దురద, గొంతు మంట, ముక్కు దిబ్బడ, ముక్కు కారటం, దగ్గు గా వుంటాయి.

ఈ లక్షణాలతో బాటు, దురద, నీరు కారటం, ఎర్రటి కళ్ళు కూడా ఏర్పడతాయి. మీ పిల్లవాడు కనుక ఆయాసం, కష్టమైన శ్వాస వంటివి కలిగి కూడా వుంటే, ఈ అలర్జీయే చివరకు ఆస్తమాగా కూడా దోవతీసే అవకాశం వుంటుందని గ్రహించండి.