పిల్లల వ్యక్తిత్వం అభివృధ్ధి చెందాలంటే?

Kids

oi-Nageswara

By B N Sharma

Updated: Tuesday, October 30, 2012, 12:58 [IST]

పిల్లలతో మాట్లాడటం ఒక్కొక్కపుడు చాలా కష్టంగా వుంటుంది. వారు సరిగా మన మాట వినటం లేదనికూడా అనిపిస్తుంది. మనం వారు చెప్పిది గ్రహించటం లేదని, వినటం లేదని వారు భావిస్తూంటారు. ఒక పేరెంట్ గా విజయం పొందాలంటే వారు చెప్పే విషయాన్ని సరైన రీతిలో విని అర్ధం చేసుకోవటం మరల వారికి వివరించటం వంటివి చాలా అవసరం. మీ పిల్లల మనోభావాలు, అభిప్రాయాలు, ఉద్దేశాలు కూడా చాలా విలువైనవిగా వుంటాయి. మరి వాటిని మీరు ఓపికగా వినేటందుకు వారితో కలిసి చర్చించేందుకు నిజాయతీగా కొంత సమయం తప్పక తీసుకోవాలి.

వారి మాటలకు సాధారణంగా మనం వెంటనే స్పందిస్తాం. అలా కాకుండా వారు చెప్పేదానికి రియాక్షన్ కంటే వారికి జవాబు ఇవ్వటం అవసరమనేది గుర్తుంచుకోండి. మన భావాలు, అనుభవాలను అనుసరించే నిర్ణయాలు చేస్తాం. వారి భావాలను గ్రహించం. వెంటనే రియాక్ట్ అవటం వలన బేబీకి ఆమె లేదా అతని అభిప్రాయాలు విలువలేనివని మనం భావిస్తున్నట్లు అర్ధం అవుతుంది. అయితే, బేబీ ఆ రకంగా ఎలా భావిస్తోంది అనే ప్రశ్నలు వేసి మీరు జవాబులిస్తే, వారితో సంభాషణ మొదలు పెడితే, అసలు వారు ఏ పరిస్ధితిలో వున్నారనేది కూడా మీకు అర్ధం అవుతుంది. వారితో చర్చించటం వలన కూడా, వారంతటవారు చేరలేని నిర్ణయాలను సూచించేందుకు మీకు ఒక పరిష్కారం దొరుకుతుంది.

పరిష్కారాలు అనుకూలంగా వుండి చక్కగా నిర్వహించగలిగితే, బేబీకూడా ఆనందపడి ప్రశంసలకు గురవుతుంది. ఇటువంటపుడు మీ పిల్లలపట్ల పూర్తి శ్రధ్ధ మరియు ఏకాగ్రతలు వారిపై పెట్టవలసి వుంటుంది. మీరు చదివే వార్తాపత్రిక ఆపేయండి. లేదా చేసే వంట ఆపండి. మీ టి.వి. కట్టేయండి. పూర్తిగా ఆమెను చెప్పనీయండి, మీరు ప్రశ్నించండి. మీ బిడ్డకళ్ళలోని వాస్తవాలు గ్రహించండి. ప్రశాంతంగా వుండండి. అనుకూలమైన సమయంలో ఆమెకు లేదా అతని సమస్యలకు చక్కని పరిష్కారమివ్వండి.