మీ పిల్లలు పాసివ్ స్మాకర్స్ గా వున్నారా?

Kids

oi-Nageswara

By B N Sharma

Published: Thursday, June 7, 2012, 9:45 [IST]

పాసివ్ స్మాకింగ్ అనేది పొగతాగటం కంటే కూడా హానికరం. మీరు కనుక స్మాకర్ లేదా పొగతాగేవారైతే, ఆ పొగను మీరే శరీరంలోకి పీల్చటానికి అలవాటు పడిపోతారు. అది మీ ఎంపిక కనుక ఆనందిస్తున్నారు. కాని పాసివ్ స్మాకర్స్ అలా కాదు. వారికి బయటకు మీరు వదిలిన గాలినుండి దానిని పీల్చుకోవటం తప్ప మరో దారి లేదు. మరి పిల్లల పరిస్ధితికి వస్తే అది మరింత హానిగా వుంటుంది. హాని తీవ్రత అధికంగా వుంటుంది. కనుక తల్లితండ్రులు పొగ తాగేవారైతే పిల్లలముందు తాగకండి. దూరంగా వెళ్ళి తాగాలి. మీ పిల్లలు పాసివ్ స్మాకర్లు అయితే ఏం జరుగుతుందనే కొన్ని వాస్తవాలు తెలుసుకోండి. పిల్లలు పాసివ్ స్మాకర్లు అయితే ఏం జరుగుతుంది?

1. పిల్లలకు హానికలిగే పాసివ్ స్మాకింగ్ తల్లితండ్రుల కారణంగా వుంటుంది.మీరు వారి ముందు తాగకపోయినప్పటికి, మీరు తాగిన కారణంగా ఏర్పడిన నికోటిన్ వంటివి బాత్ రూమ్ వంటి ప్రదేశాలలో అంటి వుంటాయి. పిల్లలు వాటిని పీల్చినా చాలు హానికరమే.

2.పిల్లలు పెద్దలు ఏం చేస్తే దానిని అనుకరిస్తారు.మీరు సిగరెట్లు పెట్టుకుంటే వారు పెన్ను వంటివి నోటిలో పెట్టుకొని ఆనందిస్తారు. పెద్దవారైన తర్వాత నిజమైన సిగరెట్లు కాలుస్తారు. మరి మీ పిల్లలనుండి ఇటువంటి అలవాట్లు మీరు ఆశిస్తున్నారా?

3. పెద్దలు తాగే సిగరెట్లను పిల్లలు చెడు అలవాటు కాదు అనుకుంటారు. ఇదే రీతిలో పిల్లలు తమ బాల్య దశ నుండే సిగరెట్లకు అలవాటు పడతారు. సిగరెట్ తాగటం ఒక స్టైల్ గా భావిస్తారు.

4. టీనేజ్ వచ్చే సరికి మీ పిల్లవాడు సిగరెట్ తాగటానికి అలవాటు పడిపోతాడు. అటువంటపుడు మీరు అతని ఈ చెడు అలవాటును మాన్పించేందుకు శ్రమపడాల్సి వుంటుంది. మీరు స్మాకర్ అయినపుడు మీ పిల్లలకు ఏం చెపుతారు. డ్యాడీ కి పొగతాటం తప్పుకాదు, మాకు తప్పా? అంటారు. చివరకు మీ సిగరెట్ సైతం తీసుకుని కాల్చే స్ధితికి వస్తారు.

5. పాసివ్ స్మాకింగ్ అనేది మీ పిల్లల ఆరోగ్య సమస్యకు దోవతీస్తుందనేది గ్రహించండి. మీ బిడ్డకు ఆస్తమా, లేదా ఇతర శ్వాససంబంధిత వ్యాధులు వస్తే, దానికి కారణం మీరే అవుతారు.

6. ఒకవేళ మీరు కాక మరొక మీ కుటుంబ సభ్యుడే పిల్లలముందు సిగరెట్ కాలిస్తే, మీరు దానికి తీవ్ర అభ్యంతరం తెలుపాలి. వారితో పూర్తిగా చర్చించండి. ఇంటివద్ద అతడు పొగతాగకుండా చేయండి. మీరు ఆ విధంగా మీ ఇంటిలో లేదా మీ ఇంటి పరిసరాలలో పొగ తాగటం అనేది లేకుండా చేస్తే మీ పిల్లల ఆరోగ్యం బాగుంటుంది. ఇక ఏ సమస్య వచ్చినప్పటికి సిగరెట్ కారణంగా వారికి ఆ వ్యాధి వచ్చిందనే భావన మీకు కలుగదు. పొగ తాగడం ఆరోగ్యానికి ఎప్పటికి హానికరమేననేది గుర్తించండి. పిల్లలుగా వున్నపుడే వారిలో ఇటువంటి భావనలు రానీయరాదు. వారు రేపటి పౌరులు, మరల రేపు వారు తమ పిల్లలకు మంచి అలవాట్లు చేయాలి అని గుర్తించండి.

ఈ అంశంపై మీకు మరిన్ని చిట్కాలు తెలిస్తే మాకు వ్రాయండి.