వాహనాలు నడిపే పిల్లలలకు జాగ్రత్తలు !

Kids

oi-Nageswara

By B N Sharma

Updated: Monday, October 12, 2015, 16:08 [IST]

టెక్నాలజీ ఎప్పటికపుడు అభివృద్ధి చెందుతూ అతి త్వరగా మార్పులు వచ్చేస్తున్న నేటి రోజులలో చిన్న వయసులోనే వాహనాలను నడిపే వారి సంఖ్య అధికమైపోతోంది. పిల్లలు తగిన జాగ్రత్తలు తీసుకోకుండా అతి వేగంగా వాహనాలను నడిపేస్తున్నారు. ప్రమాదాలకు కూడా గురవుతున్నారు. కనుక వీరి విషయంలో పెద్దలు కొంతమేరకు జాగ్రత్తలు వహించాల్సిన అవసరం ఎంతైనా వుంది. ద్విచక్రవాహానాలను నడిపే వారు తమ తలకు హెల్మెట్ ధరిస్తే, బ్రెయిన్ సంబంధిత నష్టాలు తప్పించుకోవచ్చు.

ప్రతి సంవత్సరం అమెరికాలో షుమారు అర మిలియన్ మంది పిల్లలు, బైక్ యాక్సిడెంట్లలో నష్టపోతున్నట్లు తెలుస్తోంది. వీరే కనుక సరైన రీతిలో హెల్మెట్ ధరిస్తే, కనీసం సగం మంది తమ బ్రెయిన్ సంబంధిత యాక్సిడెంట్లునుండి తప్పిచుకొనేవారు. ప్రతి బైక్ రైడింగ్ లోను తలకు సరిగ్గా సరిపడే హెల్మెట్ పిల్లలు ధరించాలి. వీరి హెల్మెట్ రంగు బ్రైట్ లేదా ఫ్లోరసెంట్ గా వుంటే ఇతర వాహన చాలకులకు బాగా కనపడి, యాక్సిడెంట్లు జరిగే అవకాశాలు తక్కువగా వుంటాయి. ధరించే హెల్మెట్ కు గాలి బాగా ఆడాలి. కొనుగోలు చేసే హెల్మట్లు, స్ధానిక రవాణా శాఖ అనుమతిగల ప్రమాణాలతో వుండాలి.

పిల్లలు, హెల్మెట్ ధరించినపుడు దాని స్ట్రాప్ తప్పక బిగించాలని తెలుపండి. హెల్మెట్ కింద భాగంలో వారు మరో టోపీ వంటిది ధరించకుండా చూడండి. ఈ చర్య హెల్మెట్ వదులుగా తలపై వుండేలా చేస్తుంది. 1999 సంవత్సరంనాటికి ముందు తయారైన హెల్మెట్లను తప్పక మార్చండి. మీ పిల్లవాడు హెల్మెట్ ధరించి ఏదేని గట్టి ప్రదేశానికి ఢీ కొడితే, హెల్మెట్ మార్చండి. ఈ చర్యలు హెల్మెట్లు తదుపరి షాక్ తీసుకోవడంలో తమ సమర్ధతను కోల్పోయి వుంటాయి.

కొన్ని బైక్ హెల్మెట్లు ఇతర చర్యలకు కూడా ఉపయోగపడతాయి. కాని అవి బైక్ లకు మాత్రమే బాగా వాడాలి. ఇవి బైక్ ల కొరకే నిర్దేశించినవిగా భావించాలి. స్కేటింగ్, బేస్ బాల్, స్నో మొబైలింగ్ వంటి ఆటలకు వేరు వేరు హెల్మెట్లు వుంటాయని గుర్తించండి. పిల్లలు, ఆట మైదానంలో వున్నా లేదా చెట్లు వంటివి ఎక్కేటపుడు హెల్మెట్లు ధరించరాదు. అవి ఈ రకమైన చర్యలలో హాని కలిగిస్తాయి. పిల్లలు బైక్ నడిపేటపుడు ధరించే దుస్తులు కూడా ప్రధానమైనవిగా గుర్తించండి. ఈ సమయంలో వీరు బాగా కనపడే కాంతివంతమైన రంగు దుస్తులే ధరించాలి. అపుడు పిల్లలు రోడ్డుపై బాగా కనపడతారు. యాక్సిడెంట్లు జరిగే అవకాశాలు తక్కువగా వుంటాయి. డార్క్ కలర్ దుస్తులు, రాత్రులందు ధరించకుండా చూడండి. లైట్ పడితే, అది రిఫ్లెక్ట్ అయ్యేందుకు నేడు కొన్ని స్టికర్ల వంటివి వస్తున్నాయి. వాటిని మీ వాహనానికి తప్పక వాడండి. వాహనం తోలేటపుడు తేలికపాటి దుస్తులు ధరిస్తే, శరీరం వేడెక్కకుండా వుంటుంది. పాంట్లు వదులుగా వుండరాదు. అవి ఛైన్ లలో పడి ప్రమాదం కలిగించే అవకాశం వుంది.

బైక్ నడిపేటపుడు మీ పిల్లవాడు వీపుపై బ్యాక్ ప్యాక్ కలిగి వుంటే, దాని స్ట్రాపులు గట్టిగా కట్టుకొనేలా చూడండి. బ్యాక్ ప్యాక్ వీలైనంత తేలికగా వుండాలి. బైక్ పెడల్స్ కు పట్టి వుంచే సరైన బూట్లు ధరించేలా చూడండి. పిల్లలు, కాలికి చెప్పులు, బూట్లు వంటివి లేకుండా బైక్ నడుపరాదని తెలుపండి.
బైక్ లు నడిపే పిల్లలు, ఈ రకమైన జాగ్రత్తలు తప్పక తీసుకోవాలి.