ఒత్తిడికి చిన్నా ...పెద్దా.. భేధం లేదా?

Kids

oi-Nageswara

By B N Sharma

Published: Monday, July 2, 2012, 11:05 [IST]

పిల్లలకు నేటి రోజులలో ఒత్తిడి అధికంగా వుంటోంది. దానికి కారణం వారి చదువులే. చదువులతోబాటు వారు ఏ రంగంలో ప్రవేశించినా, అంటే, క్రీడలు, కళలు వంటివి ఏదైనప్పటికి తల్లితండ్రులు వాటిలో తమ పిల్లలు మొదటి స్ధానంలో వుండాలంటూ వారిపై ఒత్తిడి తెస్తారు. పిల్లలకు ఒత్తిడి తేలికగా వచ్చేస్తుంది. కొన్నిసార్లు వీరు ఒత్తిడికి లోనై ఎన్నో పాడు పనులు కూడా చేస్తారు.పిల్లలలో ఒత్తిడి చెడుగాను మరియు మంచిగాను కూడా కలుగుతుంది. వారి ప్రవర్తనలో వచ్చే మార్పులను బట్టి ఒత్తిడి వారికి మంచి చేస్తోందా? లేక చెడు చేస్తోందా అనేది గ్రహించాలి. వేగంగా మార్పు చెందుతున్న ప్రస్తుత పరిస్ధితులలో పిల్లల జీవితాలు ఏ మాత్రం సులభంగా లేవు. అతడికి ఎన్నో భాధ్యతలుంటున్నాయి. కనుక మీ బిడ్డపై అధిక ఒత్తిడి పెట్టేముందు, అతడిని ఒత్తిడినుండి తప్పించటానికి ఏ మార్గాలు అవలంబించాలి అనేది కూడా ఆలోచించండి. అందుకుగాను కొన్ని సూచనలు పరిశీలించండి.

పిల్లలతో స్నేహంగా ఉండండి - మీ పిల్లల బాధలను పంచుకోండి. వారితో స్నేహం చేయండి. ఒక్కొక్కపుడు వారికి అనవసర భయాలుంటాయి. వాటిని మీరు తేలికగా పోగొట్టవచ్చు. మ్యూజిక్ పెట్టండి. పిల్లవాడితో కొంత సమయం ఆటలాడండి. ఇవి చిన్న చేష్టలైనా సరే పిల్లవాడిలో ఒత్తిడి తగ్గిస్తాయి.

నిద్ర - మీ పిల్లవాడు ప్రతిరోజూ తగినంత నిద్రపోయేలా చూడండి.ఒత్తిడి తగ్గేందుకు గాఢ నిద్ర మంచి మందు. పిల్లలకు కనీసం 9 నుండి 10 గంటల నిద్ర కావాలి. అతడికి చదువు, లేదా ఇతరంగా ఎంత ఒత్తిడి ఉన్నప్పటికి, ప్రధానంగా ఈ నిద్ర అతనికి పట్టేలా చేయండి. నిద్ర కొరవడితే, అతనికి మానసిక, శారీరక సమస్యలు వస్తాయి.

మీ పిల్లవాడితో ఆటపాటలు - మీ బిడ్డతో కలసి ఆడండి. పాడండి. అతనికి ఒత్తిడి తగ్గుతుంది. అయితే, పిల్లవాడి కారణంగా మీ భాధ్యతలు మరువకండి. అంతేకాదు, అతని కిష్టమైన పనిని చేయనీయండి. ఇది అతడిలోని ఒత్తిడి బాగా తగ్గేందుకు తోడ్పడుతుంది. అతని మైండ్ పూర్తిగా ఇష్టమైనదానిలో ఉంటే, ఒత్తిడి అధికంగా ఉండదు.

రొటీన్ కు భిన్నంగా - ప్రతిరోజూ చేసే పనులకు భిన్నంగా కొన్ని పనులు చేయనీయండి.అపుడపుడూ బయటకు తీసుకు వెళ్ళి ఆనందింపచేయండి. ఈ చర్య పిల్లల ఒత్తిడి బాగా తగ్గిస్తుంది.దిన పని భారం తగ్గినట్లు వారు భావిస్తారు. విందులు, విహార యాత్రలు అతనికి ఎంతో తేలికగా భావించేలా చేస్తాయి.
గాఢ శ్వాస - మీ పిల్లవాడికి గాఢ శ్వాస ఎలా తీయాలో నేర్పించండి. మీ బిడ్డ ఎపుడు కోపంగా వున్నా లేక, ఒత్తిడిగా వున్నా గాఢ శ్వాస తీస్తే ఊరట కలుగుతుంది. దీనివలన ఎన్నో ప్రయోజనాలున్నాయి. ప్రధానంగా ఒత్తిడి, ఆందోళన తగ్గుతుంది. ఒత్తిడి తగ్గించే అన్ని పద్ధతులకంటే కూడా ఇది మంచి పద్ధతి.

చాక్లెట్ లు మరియు బహుమతులు - మీ పిల్లవాడికి చాక్లెట్లు లేదా ఇతర బహుమతులు అతడు ఒత్తిడి భావిస్తున్నపుడు ఇవ్వండి. పిల్లలు వాటిని ఎంతో ఇష్టపడతారు. వారికి అంతకు మించిన ఆనందం ఉండదు. ఆ సమయంలో అన్నీ మరచి ఆ కొత్త బహుమానం తీసుకునే సంతోషంలో ఉండిపోతారు.

ఒత్తిడి తగ్గించే ఈ మార్గాలు పాటించి మీ పిల్లవాడు తన ఆందోళనలు, మానసిక వ్యధలనుండి దూరం అయ్యేలా చూడండి.