దీపావళి రోజు పిల్లలకు చేతులు కాలితే చేయండిలా...!

సాధారణంగా పిల్లలకు దీపావళి పండుగ క్రేకర్లు కాల్చటంలో అపుడపుడూ కొద్దిపాటిగా చేతులు కాల్చుకోవటం జరుగుతుంది. పండుగ రోజు అంతా సంతోషంగా వుండాలనే కోరుకుందాం. కాని యాక్సిడెంట్లు చెప్పి రావుకదా! అందుకని ఏదైనా కాల్పు చేతులకు జరిగేతే తక్షణమే ఏం చేయాలో చూద్దాంకాలిన గాయం చిన్నదిగా వుంటే భయం, ఆందోళనలు అవసరం లేదు. చేయికాల్చుకున్న పిల్లాడికి ముందుగా ప్రధమ చికిత్స చేయండి. మీరు ఖంగారు పడకుండా వుంటేనే ఈ పని చేయగలుగుతారు. కాలిన వెంటనే తక్షణం చేయాల్సిందేమంటే, కాలిన శరీర భాగంపై నీరు పోయండి. అయితే కాల్పు చాలా తక్కువగా వుంటేనే నీరు పోయటం మంచిది. లేదంటే...బాగా కాలిన గాయానికి నీరు చేరి ఉబ్బిపోతుంది. కనుక అధికంగా కాలితే నీరు పోయకండి.

కాలిన గాయాలకు పసుపు బాగా పనిచేస్తుంది. పండుగ వేడుకలనాడు పసుపు కనుక అందుబాటులో పెట్టుకుంటే కాలిన గాయాలకు తక్షణ ప్రధమ చికిత్స చేయవచ్చు. పసుపు యాంటీ సెప్టిక్ గా రాయటం వలన కాలిన గాయాలు ఇన్ఫెక్షన్ కు గురికాకుండా వుంటాయి. పసుపు లేదా ఇతర యాంటీ సెప్టిక్ క్రీము అందుబాటులో లేకుంటే, ఒక ఉల్లిపాయను సగానికి తరిగి కాలిన భాగంపై గట్టిగా రాయండి. డెట్టాల్ లేదా సావలోన్ వంటివి కూడా కాలిన భాగాలకు తక్షణమే రాయవచ్చు. స్పిరిట్ , ఆల్కహాల్ వంటివి కూడా కాలిన గాయాలకు పనిచేస్తాయి. కాని పిల్లలు బహుశ వీటి తీవ్రతకు తట్టుకోలేకపోవచ్చు.

పిల్లల గుడ్డలుకు నిప్పు అంటుకుంటే, వెంటనే వాటిపై నీరు పోయకండి. నీరు గుడ్డను వారి శరీర చర్మానికి అంటుకుపోయేలా చేస్తుంది. అది మరింత ప్రమాదకరం. తక్షణమే వారిని ఒక దుప్పటిలో చుట్టేయండి లేదా వీలైనంత మేరకు వారి శరీరం నుండి దుస్తులను లాగేయండి.

పిల్లల చేతి కాల్పులు కొద్దిపాటివైతే, చేసే ప్రధమ చికిత్స సరిపోతుంది. మీకు అది చాలదనిపిస్తే వెంటనే హాస్పిటల్ కు తీసుకు వెళ్ళండి. సురక్షితమైన దీపావళి జరుపుకోండి.
నిప్పురవ్వలు పడి చిన్నచిన్న గాయాలు ఏర్పడినా సెప్టిక్‌ కాకుండా నిరోధించేందుకు బర్నాల్‌, దూది, అయోడిన్‌, టించర్‌, డెట్టాల్‌ తదితరాలతో కూడిన ఫస్ట్ ఎయిడ్‌ కిట్‌ సిద్ధం చేసుకోండి. ప్రాధమిక వైద్యం చేసిన… తరువాత కొంత ఉపశమనం పొందినప్పటికీ తప్పక వైద్యుని వద్దకు వెళ్ళి పూర్తి చికిత్స చేయించుకోవడం ముఖ్యం.

మంట వచ్చిన వెంటనే ఆర్పేయడానికి రెండు మూడు బకెట్ల నీరు అందుబాటులో ఉంచుకోండి. ఎవరికైనా మంట అంటుకుంటే బట్టలు తీసి, శుభ్రమైన దుప్పట్లతో కప్పాలి. వెంటనే నిపుణుడి దగ్గరికి తీసుకెళ్లాలి.