పిల్లలకు పాకెట్ మనీ అవసరమా...?

Kids

oi-Nageswara

By B N Sharma

Published: Monday, June 18, 2012, 13:26 [IST]

పిల్లలకు తల్లితండ్రులు ఇచ్చే పాకెట్ మనీ అవసరం చర్చించదగినదే. కొంతమంది తల్లితండ్రులు పాకెట్ మనీ అవసరంలేదని భావిస్తారు. కొంతమంది అది పిల్లలకు హాని కలిగించరాదని భావిస్తూ ఇతస్తారు. పిల్లవాడు ఒక వయసు దాటితే, మరికొంతమంది పాకెట్ మనీ ఇస్తారు. ఈ పాకెట్ మనీ అనేది రోజువారీ, వారానికోసారి లేదా నెలకోసారి గా ఏర్పాటవుతుంది. ఏది ఏమైనప్పటికి పిల్లవాడికి పాకెట్ మనీ ఇవ్వటం కొంతవరకు ప్రయోజనకరమే. అది ఎలా ? పరిశీలించండి.

పాకెట్ మనీ ఎందుకు కావాలి?
పిల్లలలో పాకెట్ మని ఏర్పాటు డబ్బు విలువ వారికి నేర్పిస్తుంది. దానిని ఎలా ఉపయోగించాలో వారికి నేర్పించాలి. ప్రధాన అవసరాలు ముందు ఎలా తీర్చుకోవాలో తెలుపాలి. అపుడు వారు మీరిచ్చే ప్రతి పైసా విలువ బాగా తెలుసుకుంటారు. అతను కనుక దానికి ఒప్పుకొనకపోతే, మీరు వదిలేయండి. మరల ఇచ్చే తేదీ వచ్చే వరకు అంతకు మించి ఇచ్చేది లేదని ఖచ్చితంగా తెలుపండి.
మీరు ఇచ్చే పాకెట్ మనీ ఎదిగే పిల్లవాడిఅవసరాలు తీరుస్తుంది. స్నేహితులతో కలసి ఖర్చు చేస్తాడు. అలా ఖర్చు చేస్తూ తన స్నేహితులముందు ఆనందిస్తాడు. స్వతంత్రంగా భావిస్తాడు. తాను కోరే బర్గర్, సినిమా టికెట్ వంటివి కొనుగోలు చేస్తాడు. అయితే, ఎంత మొత్తం ఇవ్వాలనేది మీరు జాగ్రత్తగా నిర్ణయించాలి. అవసరానికి మించి ఇస్తే అది అతనికి హాని కలిగించవచ్చు.

అతని డిమాండ్లు మీరు నియంత్రించాలి. ఉదాహరణకు మీ బిడ్డ ఒక కొత్త ఫోన్ లేదా ఐ ప్యాడ్ వంటివి కొనాలంటే, వెళ్ళి కొనుక్కోమనండి. అదే విధంగా పుస్తకాలు, స్టేషనరీ వస్తువులు కూడా పాకెట్ మనీకే లింక్ చేయండి. ఈ చర్య అతను అధికంగా సొమ్ము అడగకుండేలా చేస్తుంది.

పిల్లవాడు తన బడ్జెట్ తాను నేర్చుకుంటాడు. ఈ కారణంగానైనా సరే మీరు అతనికి పాకెట్ మనీ ఇవ్వాలి. తన వద్ద వున్న డబ్బు ఎంత ఖర్చు చేయాలి, దేనిపై ఖర్చు చేయాలి? ఎంత పొదుపు చేయాలి అనేవి అతనికి తెలుస్తాయి. తాను కోరే వస్తువు ఖరీదైనదైతే, తన పాకెట్ మనీలో కొద్దిరోజులు పొదుపు చేసి కొనుగోలు చేయటం వంటివి అతడు నేర్చుకుంటాడు. అనవసరమైన వస్తువులు కొనకుండా వుంటాడు. అవసరాలను గ్రహిస్తాడు. బడ్జెట్, పొదుపు వంటివి తెలుస్తాయి.

పాకెట్ మనీ పిల్లలకు ప్రధానమే అని తెలిపేందుకు ఈ కారణాలు చాలు. అయితే, పాకెట్ మనీ మరీ తక్కువ వయసులో ఇవ్వకండి. అతనికి అవసరం అనుకున్నపుడు ఇవ్వాలి. అతని వయసు అతని ఖర్చులు పరిశీలించాలి. అపుడు ఎంతో కష్టంగా మీరు సంపాదించిన సొమ్మును అతను భాధ్యతాయుతంగా ఖర్చు చేస్తాడు. పాకెట్ మనీ పిల్లలను తప్పుదోవ కూడా పట్టిస్తుంది. కనుక ఖచ్చితంగా వుండండి. ప్రతిరోజూ అతను ఏం ఖర్చు చేస్తున్నాడనేది గమనించండి.