మహిళ జననాంగ భాగానికి కుట్లు పడితే?

మొదటగా మహిళ ఈ స్ధితిలో మంచి శుభ్రత పాటించాలి. స్నానం చేయడం లేదా జననాంగ భాగాన్ని ప్రతి 6 లేదా 8 గంటలకు శుభ్రం చేయటం వంటివి మంచిది. కడిగే నీటికి ఉప్పు కలపద్దు. కుట్లకు, లేదా గాయం తగ్గటానికి ఉప్పు సహకరించదు. మహిళ రక్తస్రావం అరికట్టటానికి ఉపయోగించే పేడ్లను తరచుగా మార్చాలి. నొప్పి, వాపు తగ్గటానికి ప్రతి రెండు గంటల తర్వాత ఆ భాగాలపై 15 నిమిషాలపాటు ఐస్ పెట్టి చల్లదనం ఇవ్వాలి. అయితే, 24 గంటలనుండి 36 గంటల తర్వాత ఐస్ పెట్టినా ఉపయోగం లేదు కనుక ఇక దానిని వాడకండి.

నొప్పి బాగా వుంటే మీ వైద్యులను సంప్రదించి అవసరమైన మందులు వేయండి. కొద్దిపాటి నడక, తరచుగా మూత్రం పోయటం వంటివి త్వరగా నొప్పిని తగ్గిస్తాయి. బిడ్డ పుట్టిన 24 గంటల తర్వాత పెల్విక్ ఫ్లోర్ వ్యాయామాలు చేస్తే అసౌకర్యం కొంతమేరకు తగ్గగలదు.