పాలుపట్టే మహిళా ఉద్యోగులకు చిట్కాలు!

Post Natal

oi-Nageswara

By B N Sharma

Published: Sunday, February 5, 2012, 9:35 [IST]

నేటి రోజులలో మహిళలు తల్లులైనప్పటికి తమ ఉద్యోగాలకు ఏ రకమైన ఇబ్బందులు కలుగకుండా అదే సమయంలో తమ బిడ్డకు ఏ లోటు రానివ్వకుండా ఇంటిపని, బిడ్డల పెంపకం, ఆఫీస్ పని వంటివి సమర్ధవంతంగా నిర్వహిస్తున్నారు. అందుకు తగినట్లు పిల్లలు కూడా అదే వేగంతో పెరిగి పెద్దవారై తమ ప్రతిభలను ప్రదర్శిస్తున్నారు. మహిళ తన బిడ్డకు పాలను పట్టడమనేది ఎంతో విలువైన చర్య. బిడ్డ ఇంటి వద్ద వున్నప్పటికి మహిళ తాను ఉద్యోగం చేస్తూనే సరైన సమయంలో బిడ్డకు పాలు తేలికగా ఎలా ఏర్పాటు చేయాలో అనేదానికి కొన్ని చిట్కాలు పరిశీలించండి.

1. బిడ్డకు పాలు పట్టాల్సిందే అని నిర్ణయించుకోండి. ఆఫీసులో ఎవరు ఎన్ని వ్యాఖ్యలు చేసినప్పటికి ఆ సమయంలో బిడ్డకు ప్రాధాన్యతనివ్వాలని గుర్తుంచుకోండి.

2. అధిక సమయం ఆఫీసులోనే గడిపేస్తారు. బేబీతో అనుబంధం పాలు పట్టడంలోనే అధికమవుతుంది. ఇంటికి రాగానే బిడ్డకు పాలు పట్టండి. వారాంతపు సెలవులలో అధికసమయం బిడ్డతో గడపండి.

3. ఎలా పాలు పట్టాలో తెలియక చాలామంది మహిళా ఉద్యోగులు బిడ్డకు పాలు పట్టడం మానేస్తారు. మీ శరీరం బిడ్డ పాలకు ఏ సమయాలలో ఉపయోగించాలనే షెడ్యూలుకు కట్టుబడి వుండండి. బిడ్డకు సరిగా పాలు తాగటం నేర్పించటం వంటివాటిలో సహనం చూపండి.

4. ప్రసూతి సెలవులను ప్రణాళిక చేయండి - మీ బిడ్డతో అధికంగా ఆనందించేందుకు గాను, ఆలనా పాలనా చూసేందుకుగాను ప్రసూతి సెలవులను డెలివరీ తర్వాతే అధికంగా వినియోగించండి.

5. పనికి సరైన విధంగా హాజరవ్వండి. మీ వ్యక్తిగత భాధ్యతలు పనికి అడ్డంకి కారాదు. ఉదయం పని తేలికగా వుండేలా ప్రణాళిక చేయండి. అలారం పెట్టి త్రవరగా లేచి బేబీకి ఒకటి రెండు సార్లు పాలు ఇవ్వండి. పాల సీసాలను రిఫ్రిజిరేటర్ లో జాగ్రత్త పరచండి. మీ భోజనం మరియు నిద్ర వంటివి ఖచ్చితంగా ప్రణాళిక చేసి ఆనందించండి. మీరు ఇల్లు వదిలే ముందు బేబీకి అన్ని జాగ్రత్తలు తీసుకోండి. మీరు బిడ్డ పట్ల చూపే ప్రేమ, తీసుకునే జాగ్రత్తలు మాత్రమే మీకు, మీ బిడ్డకు ఆనందాన్నిచ్చి, బేబీకి, మీకూ మధ్య మంచి అవగాహన ఏర్పరుస్తాయనేది గ్రహించండి.