పాలు పట్టే మామ్....మందు కొడితే?

తల్లి పాలు ఒక రోజుకు సగటున 500 కేలరీలు శక్తినిస్తాయి. ఇది తల్లి బిడ్డను ప్రసవించిన వెంటనే తన బరువు తగ్గించుకోవటానికి తోడ్పడుతుంది. తల్లిపాలలోని పదార్ధాలు, బేబీ పాలు తాగే సమయాన్నిబట్టి, బేబీ వయసును బట్టి ఎప్పటికపుడు మారుతూంటాయి. అంతే కాక తల్లిపాల నాణ్యత తల్లి పొగతాగటం, ఆల్కహాల్ వంటి, కాఫీ, లేదా ఇతర మత్తు పానీయాలవంటివి తాగటం పై కూడా ఆధారపడివుంటుంది. ఆల్కహాల్ లేదా ఇతర మత్తు పానీయాలు తాగే మహిళలు, వారు తాగిన తర్వాత కనీసం రెండు గంటల వరకు బిడ్డకు పాలు పట్టరాదని కూడా అమెరికన్ అకాడమీ ఆఫ్ పేడియాట్రిక్స్ సంస్ధ తెలుపుతోంది.

తల్లిపాలు బిడ్డకు శ్రేష్టమని, ఈ ఆహారం సాటి బిడ్డకు మరొకటి లేదని ఎన్నో పరిశోధనలు తెలుపుతున్నాయి. బిడ్డకు ప్రధానంగా తల్లిపాలు అధికమైన రోగనిరోధక శక్తిని ఇస్తాయని పరిశోధనలు తెలుపుతున్నాయి. ముర్రు పాలు సహితంగా తల్లిపాలు తాగినందువలన బిడ్డకు ఏ రకమైన వ్యాధులు సంక్రమించవు. అంతేకాక బిడ్డలోని రోగ నిరోధక వ్యవస్ధ బలపడుతుంది.