డెలివరీ తర్వాత మహిళలో శారీరక మార్పులు!

మీ శరీరం పూర్వ స్ధితికి రావాలంటే డెలివరీ తదనంతరం కొన్ని వ్యాయామాలు చేయాల్సి వుంటుంది. బాగా సాగిన పొట్ట తగ్గటానికి ఈ వ్యాయామాలు ఉపయోగపడతాయి. గర్భవతి దశలో వంటికి పట్టిన నీరు, కొవ్వు అంతా క్రమేణా తగ్గటం మొదలవుతుంది. మూత్రం అధికంగా వస్తుంది. చెమట కూడా అధికంగా పడుతుంది.

మూత్రం పోయాలనే వాంఛ లేకపోయినా, ఎప్పటికపుడు మూత్రాశయంలో చేరిన నీటిని తొలగించివేయాలి. బిడ్డ పుటుకతో యోని బాగా సాగటం, వాపు లేదా చీరుకుపోవడం జరుగుతుంది. క్రమేణా వాపు మాయమవటంతో ఇక మీరు చేసే వ్యాయామాలు శరీరం పూర్వస్ధితి చేరటానికి తోడ్పడతాయి. యోనిలో ద్రవాలు తగ్గుతాయి. రక్తస్రావం లో అధిక నీరు వస్తూ, పింక్ కలర్ లో వుంటుంది. డెలివరీ తర్వాత బిడ్డకు పాలు పట్టటంపొట్టలో నొప్పి, వాపు రావచ్చు. స్తనాలు ఉబ్బుతాయి, మెత్తపడటం లేదా గట్టి అవటం కూడా జరిగి బరువెక్కుతాయి. బిడ్డకు తరచుగా పాలు ఇస్తూవుంటే, కొవ్వు కరిగి సాధారణ స్ధితికి వస్తాయి. నిద్రలేమి, మానసిక వ్యధ, చికాకు సహజంగా వుంటాయి. తల వెంట్రుకలు ఊడటం, కొద్దిపాటిగా చర్మం నలుపెక్కటం వంటివి కూడా ఈ దశలో వుంటాయి.