పాలు పట్టే మహిళ బ్రాసరీ ఎలా వుండాలి?

Post Natal

oi-Nageswara

By B N Sharma

Published: Friday, February 17, 2012, 17:53 [IST]

బిడ్డకు పాలు పట్టాలంటే మహిళ అందుకనువైన దుస్తులు ధరించాలి. ప్రత్యేకించి ఆమె ధరించే బ్రా సరిఅయినదిగా వుండాలి. మేటర్నిటీ బ్రా వేసుకుంటే ఆమె స్తనాల అమరిక సైతం చక్కగా వుంటుంది. స్తనాలు వేలాడకుండా వుంటాయి. పాలు పట్టడం తేలికవుతుంది. పాలు పట్టే సమయంలో బ్రా తెరవడం, మూయడం చేయటానికి హుక్ లు వుంటాయి.

పాలుపట్టే బ్రాలు ఎలా వుండాలి? బ్రా బిగువు లేదా లూజుగా వుండరాదు. బ్రా బాగా బిగువుగా వుంటే పాల గ్రంధులు మూసుకుపోతాయి. బాగా వదులుగా వుంటే స్తనాల సైజు పెరిగి వేలాడుతూంటాయి. వాటి షేప్ పోతుంది. కనుక మీ స్తనాలకు ఖచ్చితంగా సరిపోయే బ్రాసరీని మాత్రమే వాడాలి.

సాధ్యమైనంత వరకు కాటన్ బ్రాసరీ మాత్రమే ధరించాలి. దీనివలన మీ చర్మంకు బాగా గాలి ఆడుతుంది. చెమటపట్టినా లేదా పాలు కారినా కాటన్ త్వరగా పీల్చేస్తుంది. బ్రా కప్ లో లైనింగ్ వేయబడినదైతే చర్మానికి మరింత రక్షణగా వుంటుంది. బ్రా లో పేడ్లు వుండే అమరిక వుంటే పాలు అధికంగా వచ్చినపుడు పీల్చేసే సౌకర్యం వుంటుంది. కొనేటటువంటి బ్రాలు స్తనాలు తేలికగా బయటకు వచ్చేదిగా హుక్ కలిగి వుండాలి

అండర్ వైర్ వున్న బ్రాలు స్తనాలను నిలబెట్టి వుంచుతాయి. అయితే అదే సమయంలో పాల గ్రంధులను మూసి వేసే ప్రమాదం కూడా వుంది. కనుక ఇవి ఎపుడైనా వేసుకోండి. వేసుకున్నపుడు స్తనాలు నొప్పి అనిపిస్తే, దానిని వాడకండి. రాత్రులందు అండర్ వైర్ కల బ్రాలు వాడవద్దు. మెత్తటి కప్పుల అమరిక వున్న బ్రాసరీస్ అయితే, స్తనాలు వాటిలో చక్కగా ఇమిడిపోతాయి.