ప్రసవం తర్వాత డిప్రెషన్...?ఇలా దూరం చేసుకోండి

మీ బేబీతో ఆడుకోవాలి: మీ జీవితానికి మీ బేబి ఒక వరం. కాబట్టి కొత్తగా పుట్టిన బేబి కోసం కొంత సమయాన్ని వెంచి, ఆడుకోవడం వల్ల, మీ డిప్రెషన్ ను కొంత వరకూ తగ్గించుకోవచ్చు. మీ బేబితో ఆడుకునేటప్పుడు ఆటోమాటిక్ గా మీ మూడ్ చేంజ్ అవుతుంది. దాంతో డిప్రెషన్ కలగదు.

పోస్ట్ నేటల్ యోగా: ప్రసవం తర్వాత మీ బరువును తగ్గించుకోదలచుకొన్నప్పుడు. మీరు యోగా క్లాస్సుల్లో చేరడం బెటర్. ఇది మీరు ఎటువంటి ఒత్తిడికి గురికాకుండా బరువు తగ్గడానికి బాగా సహాయపడుతుంది.

ప్లస్ సైజ్ దుస్తులు కొనండి: గర్భిణీగా ఉన్నప్పుడు మీరు బరువు పెరుగుతారు. ప్లస్ పొట్ట దగ్గర కొవ్వుకూడా చేరి పొట్ట ఉబ్బెత్తుగా ఉండి మునపటి దుస్తులు మీకు సరిపోకపోవచ్చు. అందువల్ల పోస్ట్ నేటల్ తర్వాత టైట్ గా వుండి దుస్తులు వేసుకోకుండా కొత్తవి ప్లస్ సైజ్ కొనుగోలు చేయండి.

సమతుల్యఆహారం: బిడ్డ పుట్టిన తర్వాత మహిళలలో పోషకాహార కొరత అధికంగా చూడబడుతోంది. దీనికి కారణం మహిళల అశ్రద్ధ. మహిళలు తమ శ్రధ్ధ అంతా పుట్టిన బిడ్డపైనే అధికంగా చూపుతూ తమ శరీర అవసరాలను కూడా వాయిదా వేస్తుంటారు. ఇది కూడా డిప్రెషన్ కు కారణం అవుతుంది. కాబట్టి ప్రసవం తర్వాత కూడా ఆరోగ్యకరమైన, బాగా ఉడికించిన వాటిని సిగ్గుపడకుండా తినాలి.

ఇంటి నుండి బయటకు రావాలి: చాలా మంది ప్రసవం తర్వాత రెండు మూడు నెలల వరకూ గడప దాటకుండా పత్యం, చన్నీళ్ళు తాకకూడదు, పనులు చేయకూడదు... వగైరా వగైరా అంటూ ఇంట్లోనే బందికాబడి ఉంటారు. అది కూడా ఒత్తిడికి కారణం అవుతుంది. కాబట్టి మీ బోర్ అనిపించినప్పుడు ఫ్రెండ్స్, బందువులను కలవండి. మీ బేబీని కూడా మీవెంట తీసుకెళ్ళడం వల్ల పూర్తిగా మీరు ఎంజాయ్ చేయవచ్చు.

ప్రేమగా ఉండండి: పోస్ట్ నేటల్ డిప్రెషన్ కు మానవ సంబంధం కూడా ఒక కారణమే. ప్రసవం తర్వాత చాలా మంది భర్తలు భార్యకు దూరంగా ఉంటారు. అలాకాకుండా ఆమెతో సాన్నిహిత్యంగా ఉండి, మీ స్పర్శతో ఆమెకు ప్రశాంతతను కలిగించి ఒత్తిడి నుండి బయటపడేలా చేయండి.

అలంకరణకు తిరిగి ప్రాధాన్యం ఇవ్వండి: గర్భిణీగా ఉన్నప్పుడు చర్మ సంరక్షణ, బేబి సంరక్షణ కోసమని కాస్మోటిక్స్ కు దూరంగా ఉంటారు. కాబట్టి ప్రసవం తర్వాత మంచి మోడల్ దుస్తులు, లేదా మీకు నచ్చిన దుస్తులు మరియు మేకప్ వంటి వాటికి తిరిగి ప్రాధాన్యత ఇవ్వండి. దాంతో మీరు ముందులాగా స్మార్ట్ గా కనబడూతు అందరి ప్రశంలు పొందుతూ..ఒత్తిడికి దూరం చేసుకుంటారు.

షాపింగ్: ఎటువంటి ఒత్తిడినైన దూరం చేసుకోడానికి షాపింగ్ ఓ మంచి చిట్కాల. పిల్లలు పుట్టిన తర్వాత కూడా షాపింగ్ చేయడం వల్ల ఒత్తిడి నుండి బయటపడవచ్చు.

పోస్ట్ నేటల్ కలర్స్ ను ఉపయోగించండి: ప్రసవం తర్వాత కొన్ని ప్రత్యేకమైన కలర్స్ మీ మనస్సును ప్రశాంత పరుస్తాయి. ఆనంద పరుస్తాయి. కాబట్టి కొద్దిగా రిలాక్స్ అవ్వొచ్చు. కాబట్టి పోస్ట్ నేటల్ కలర్స్, వైట్, గ్రీన్, బ్లూ వంటివి ఇంటి అలంకరణలో మరియు మీ దుస్తుల అలంకరణ ఉండేట్లు ఎంపిక చేసుకోండి.

ఒత్తిడి దూరం చేసుకోవడానికి స్పా మరియు సలోన్ కు వెళ్ళండి: ప్రసవం తర్వాత కనబడే హెయిర్స్ లాస్ సమస్యలు మరియు స్ట్రెచ్ మార్క్, తొలగించుకోవడానికి సలోని వెళ్ళి ఎక్స్ పర్ట్స్ కన్సల్ట్ అవ్వండి. అంతే కాదు ఇంట్లో చేసుకొనే పెడిక్యూర్, మానిక్యూర్ కూడా కొంత రిలాక్స్ కలిగిస్తుంది.