గర్భ విచ్ఛిన్నం...మహిళకు ఒక శాపం!

Pre Natal

oi-Nageswara

By B N Sharma

Published: Monday, October 10, 2011, 16:53 [IST]

గర్భం దాల్చటం అనేది ప్రతి యువతి కనేకల. గర్భం ధరించటంలో ఎన్నో కష్టాలున్నప్పటికి ఆమె వాటిని ఆనందంగా అంగీకరించేస్తుంది. గర్భవతి సమయం ఆరోగ్య రీత్యా ఎంతో సున్నితమైంది. తొమ్మిదినెలల పాటు ఎన్నో ముందు జాగ్రత్తలు కావాలి. ఈ తొమ్మిది నెలల కాలంలోను మొదటి మూడు నెలలు ఎంతో సమస్యాత్మకం, గర్భ విచ్చిన్నానికి ఈ మూడు నెలలపాటు ఎంతో అనుకూలమైంది. సాధారణంగా గరిష్టం అంటే, గర్భం ధరించిన 20 వారాల వరకు విఛ్ఛిన్నం అయ్యే అవకాశాలుంటాయి. గర్భంలోని పిండం గర్భం దాటి బయటకు వచ్చే పరిస్ధితి. దీనికి కొన్ని కారణాలున్నాయి. అయితే కొన్ని కేసుల్లో డాక్టర్లు సైతం వివరణ ఇవ్వలేకపోతున్నారు.

గర్భ విచ్ఛిన్నానికి సాధారణ కారణాలు పరిశీలిస్తే....
1. గర్భవతిగా వున్నపుడు ఆల్కహాలు తాగటం - గర్భవతి తాను ఏది తాగితే అది ఏది తింటే అది కడుపులోని బిడ్డకు చేరుతుంది. తాగే ఆల్కహాలు లోపల వున్న బేబీకి రక్తం ద్వారా అందుతుంది. బేబీ శరీరానికి అందుతుంది. నష్టం కలిగించి విచ్ఛిన్నానికి దోవతీస్తుంది.
2. జబ్బు పడటం - అప్పటికే తల్లి ఏ జబ్బు కలిగా వున్నా కూడా గర్భ విచ్ఛిన్నానికి దోవతీస్తుంది. ప్రత్యేకించి డయాబెటీస్ వ్యాధి ప్రమాదకరమైంది. రక్తపోటు కూడా మరో ప్రమాదకరమైన వ్యాధే. ఈ రోగాల క్రిములు అపుడే ఎదుగుతున్న బేబీ శరీరంపై దుష్ప్రభావాన్ని అధికంగా చూపి విచ్ఛిన్నానికి లేదా కడుపులోనే బిడ్డను చంపేయటానికి దోవతీస్తాయి.
3. హార్మోన్ల అసమతుల్యత - కడుపులోని పిండానికి పోషకాహారాలను అందించే ప్రొజెస్టిరోన్ హార్మోన్ కొంత మంది మహిళలలో బలహీనంగా వుంటుంది. ఇది గర్భాశయాన్నించి పిండాన్ని వేరు చేస్తుంది. దాంతో గర్భవిచ్ఛిన్నం అయ్యే ప్రమాదముంది.
4. వ్యాధినిరోధక సమస్య - బేబీలో తండ్రి నుండి పొందిన కొన్ని కణాలుంటాయి. సాధారణంగా తల్లినుండి సంక్రమించే వ్యాధినిరోధక సిస్టం వీటిని అంగీకరిస్తుంది. కాని కొంతమంది మహిళలలో కడుపులో ఏర్పడిన పిండాన్ని ఈ వ్యాధి నిరోధక వ్యవస్ధ అంగీకరించక దాని యాంటీ బాడీస్ తో పిండంపై దాడిచేసి గర్భ విచ్ఛిన్నానికి దోవతీస్తుంది.

లక్షణాలు ఎలా వుంటాయి?
1. మహిళ జననాంగంనుండి రక్త స్రావం ఏర్పడుతుంది. రక్తస్రావం మొదటి 12 వారాలలో సహజమే. అయితే 14వ వారంలో అయ్యే రక్తస్రావం ప్రమాదకరం. వైద్యుడిని సంప్రదించండి.
2. విపరీతమైన నొప్పి జననాంగంలో, కడుపులో, వెన్ను పైనా ఏర్పడుతుంది. జననాంగంనుండి రక్తస్రావం అయిన వెంటనే ఇది ఏర్పడుతుంది.
3. ఇతర లక్షణాలు - అకస్మాత్తుగా బరువు కోల్పోవటం, విపరీత అలసట, వికారం, రొమ్ములు మెత్తబడటం, గుండె వేగం అవటం. ఈ లక్షణాలు కనపడితే, వెంటనే వైద్యుడిని సంప్రదించండి.

గర్భాన్ని ఎలా నిలుపుకోవాలి?
1. ఆరోగ్యవంతమైన పోషక ఆహారాలు తీసుకోండి. పండ్లు, కూరగాయలు, పాలు మొదలైనవి సూచించదగినవి. కొవ్వు పదార్ధాలు వదిలేయండి.
2. కాఫీ, టీ వంటివి ఏది తాగినా వెంటనే ఒక గ్లాసు నీరు కూడా తాగండి. ఇది వాటిలో వుండే హానికర పదార్ధాలను తొలగిస్తుంది.
3. ఒత్తిడి తొలగించుకోండి. ఒత్తిడి ఏ మాత్రం వున్నా అది బేబీకి హానికరమే. కనుక వ్యతిరేక ఆలోచనలు మాని విశ్రాంతి తీసుకోండి. గర్భవతి దశలో మీరు ఏమి చేసినా దాని ప్రభావం బిడ్డపై వుంటుంది.
4. యోగా - యోగా చేయటం అన్ని సమస్యలకు పరిష్కారం. విశ్రాంతినిచ్చే ప్రాణాయామం వంటివి బాగా సహకరిస్తాయి. యోగా శిక్షకుడి సహాయంతో యోగా చేసి లబ్ది పొందండి.
5. అతిగా పని చేయవద్దు. శరీరాన్ని కష్టపెట్టవద్దు. ఇది ఒత్తిడి కలిగిస్తుంది. బేబీకి హాని కలిగిస్తుంది. వ్యాయామాల్లో తరచుగా విశ్రాంతి నివ్వండి.