గర్భవతులకు డ్రై ఫ్రూట్ మిల్క్ షేక్!

By B N Sharma

Published: Monday, October 3, 2011, 8:16 [IST]

Dry Fruit Milkshake - Recipe For Pregnant Women

బేబీ పుట్టేముందు, పుట్టిన తర్వాత ప్రెగ్నెంట్ మహిళకు పోషక విలువలు కల శక్తివంతమైన ఆహారం కావాలి. ఈ ఆహారం కడుపులో ఎదుగుతున్న బిడ్డకు ఆమెకు కూడా అవసరం. ఒక్క గ్లాసెడు డ్రై ఫ్రూట్ మిల్క్ షేక్ తో బలవర్ధకమైన ఆహారాన్ని ఆమెకు అందించవచ్చు. ఈ మిల్క్ షేక్ తయారీకి ఏమి కావాలి? ఎలా తయారు చేయాలనేది చూద్దాం!

1 కప్పు ఖర్జూర పండు, 4 నానపెట్టిన ఫిగ్ పండ్లు, అర కప్పు నానపెట్టి పెచ్చు తీసిన బాదంపప్పు, అర కప్పు పెచ్చు తీసిన పిస్తా, అర కప్పు జీడిపప్పు, 5 కిస్మిస్ పండ్లు, ఒక కప్పు పాలు, ఒక స్కూపు వనిలా ఐస్ క్రీమ్, 2 లేదా 3 టేబుల్ స్పూన్లు తేనె కొద్దిగా యాలుకలు తీసుకోండి. వీటితో తయారు చేసిన మిల్క్ షేక్ రెండు సార్లు తాగచ్చు.

పై పదార్ధాలన్ని మిక్సర్ లో వేసి బాగా మిక్స్ చేయండి. యాలకుల పొడి చల్లండి. దీనిని వేడిగా లేదంటే చల్లగా తాగవచ్చు. బిడ్డ పుట్టేటంతవరకు గర్భవతి స్త్రీ దీనిని తాగుతూంటే తల్లికి బిడ్డకు మంచి ఆరోగ్యం చేకూరుతుంది.