గర్భం ధరిస్తే...మహిళలలో మార్పులు!

పిరియడ్ ఆగుతుంది - ప్రెగ్నెన్సీ వచ్చిందనటానికి మొదటి నిదర్శనం మహిళకు ప్రెగ్నెన్సీ ఆగి కొద్దిపాటి అనారోగ్యం కలుగుతుంది.
స్తనాలు, చనుమొనలు మెత్తబడతాయి. స్తనాలు ఉబ్బి, ముట్టుకుంటే నొప్పి అనిపిస్తాయి. ఈ లక్షణాలు ప్రెగ్నెన్సీ ఎదిగే కొద్దీ మరింత అధికమవుతాయి.
చనుమొనల చుట్టూ వుండే చర్మం మరింత నల్లబడుతుంది. ఆ నలుపు కొద్దిపాటిగా వ్యాపిస్తుంది. చనుమొనల చుట్టూ వున్న రక్తనాళాలు కూడా బాగా కనపడుతూంటాయి. చనుమొనల చుట్టూ చిన్న చిన్న బుడిపెలవంటివి ఏర్పడతాయి. ఇవి చనుమొనల భాగాలకు బిడ్డ పాలు తాగేటపుడు రాపిడి లేకుండా జిడ్డును ఏర్పరుస్తాయి.

తరచుగా మూత్ర విసర్జన కలుగుతుంది. శరీర ఉష్ణోగ్రత కొద్దిపాటిగా పెరుగుతుంది. గర్భంలో పిండం కదలికలతో కొద్దిపాటి రక్తస్రావం కూడా అయ్యేటందుకు అవకాశాలున్నాయి. మహిళకు వెన్ను క్రింది భాగంలో నొప్పి వస్తుంది. అలసట కలుగుతుంది. శరీర శ్రమ చేయలేదు. వికారం వంటివి కలుగుతాయి. దీనికి గాను ఆమె ఆహారాన్ని కొద్ది కొద్దిగా ఎక్కువ సార్లు తీసుకోవడం, ఇష్టమైన పదార్ధాలు తినడం వంటివి చేయాలి. తినాలనే కోరికలు పెరుగుతాయి. తరచుగా చికాకుగా వుంటుంది. అటువంటపుడు భాగస్వామి ఆమెకు కొంత మనోల్లాసం కలిగించాలి.