గర్భవతి మహిళల పని ప్రత్యేకత!

ఒక బాబు లేదా పాప ఈ లోకంలోకి వస్తోందంటే, గర్భవతి మహిళకే కాదు, ఆమె చుట్టు పక్కల వున్న వారికి సైతం అది శుభవార్తే. గర్భవతి అన్న వార్త తెలిస్తే చాలు, ఆమెకు ఎట్టి కష్టం కలుగకుండా చూసుకునేవారెందరో వుంటారు. ప్రత్యేక సౌకర్యాలు కలిపిస్తారు. ప్రభుత్వం సైతం గర్భవతి మహిళలకు కొన్ని చట్టాలు చేసి మహిళల ప్రత్యేక హక్కులను కాపాడుతోంది. కార్యాలయాలలో వారికి మెటర్నీటి లీవ్ ఇచ్చి డెలివరీ ఒత్తిడి నుండి మహిళను కాపాడతారు. మేటర్నీటి సెలవు సమయంలో ఆమెకు వేతనాలు కూడా చెల్లించబడతాయి.

ఇక ఇండ్లలో అయితే, మహిళ గర్భవతి అవటమనేది ఒక వేడుకగా భావించి ఆమెకు, ఆమె కోరే అన్ని రకాల రుచికర తిండ్లు తినిపించడం, ఏ మాత్రం కష్టం లేకుండా చూసుకోవడం చేస్తారు. గర్భవతి దశలో వుండే కష్టాలను మరిపించి ఆమె ఆనందంగా భావించేలా సంచరిస్తారు. గర్భం ధరించటమనేది మహిళలకు ప్రకృతి ప్రసాదించిన ప్రత్యేక హక్కు. తోటి మానవులుగా మహిళల హక్కులను గౌరవించడం ఆమెకు సౌకర్యం కలిగించటం మన ధర్మం.