గర్భస్రావంలో అత్యవసర చికిత్సలు ఎలా?

Pre Natal

oi-Nageswara

By B N Sharma

Published: Monday, July 30, 2012, 15:57 [IST]

అన్నిటికంటే ముందుగా, గర్భస్రావంలో మహిళకు జరిగిన నష్టం మనం తీర్చలేనిదిగా గ్రహించాలి.
ఒకసారి గర్భస్రావానికి లక్షణాలు కనపడ్డాయంటే, ఇక అది జరిగినట్లే. దానిని నిలుపు చేయటం, అనారోగ్యం, ప్రమాదకరం కూడాను. డాక్టర్లు ఈ సమయంలో చేసే చర్యలు మీకు నొప్పినుండి ఇతర సమస్యలనుండి ఉపశమనం కలిగించటానికే. గర్భస్రావానికి చికిత్స వ్యక్తికి వ్యక్తికి మారుతుంది. ప్రతి వ్యక్తికి అది ప్రత్యేకమే కనుక ఎవరికి తగినట్లు వారికి చికిత్స చేయాలి. అయితే, గర్భస్రావాలకు సంబంధించిన కొన్ని సాధారణ అంశాలు ఎలా? అనేది పరిశీలించండి.

గర్భస్రావానికి చికిత్స
1. సాధారణంగా గర్భ స్రావానికి చికిత్స చేయాల్సిన అవసరం లేదు. విచ్ఛిన్నమైన పిండం శరీరంనుండి రక్తంలా బయటకు వచ్చేందుకు మీరు వేచి ఉండాలి. వినటానికి బాధ అయినప్పటికి చేయగలిగింది అంతేనని భావించండి. రక్తస్రావం తీవ్రంగా లేకుంటే, మీరు హాస్పిటల్ కి వెళ్ళడం లేదా ఏదేని మందు వేసుకోవడం చేయాలి.

2. గర్భవతి దశలో రక్తస్రావం కనపడినంత మాత్రాన అది గర్భ విచ్ఛిన్నంగా కూడా భావించరాదు. మీరు వెంటనే డాక్టర్ ను సంప్రదించి దానిని నిశ్చయ పరచుకోండి.

3. కొన్ని సార్లు, రోజుల తరబడి రక్తస్రావం అయినా, అది అసంపూర్ణ గర్భ విచ్ఛిన్నంగా ఉంటుంది. పిండం, పూర్తిగా రక్తం అయిపోదు. గర్భాశయంలో పిండం ముక్కలు ఉండి వ్యాధులు కలిగిస్తాయి. అటువంటపుడు వాటిని కత్తిరించి తీసివేయటం లేదా అది రక్తం రూపంలో బయటకు రావటానికి మందులు వేయటం చేయాలి.

4. మీ గర్భస్రావం బాగా నొప్పి అనిపిస్తే, దానికి నొప్పి తగ్గే మాత్రలు వేయండి. అవసరం అనుకుంటే హాస్పిటల్ లో చేరాలి. అధిక రక్తస్రావం అయినా సరే ఈ పని చేయాలి. మీరు రక్తహీనత వ్యాధికి పరీక్షించబడతారు. రక్తస్రావం ఆగకుండా జరిగితే, మరోమారు మీకు రక్తం కూడా ఎక్కిస్తారు.

5. డాక్టర్లు ఈ పరిస్ధితికి కనీసం ఒక వారం రోజులు బెడ్ రెస్ట్ అంటే విశ్రాంతి సూచిస్తారు. గర్భవతి దశలో ముందుగానే గర్భ స్రావం అయిపోతే, మీకు ప్రమాదం తక్కువగా ఉంటుంది.

6. ఈ గర్భస్రావ దశలో మీ పార్టనర్ తో శారీరక సంబంధం ఉండరాదని మీకు చెపుతారు. అంటే మీ గర్భానికి పూర్తిగా కొద్ది వారాలపాటు పూర్తి విశ్రాంతి కావాలి. లోపలి గాయాలు నివారణ కావాలి.

7. అదేరకంగా మీరు కొన్ని మందులకు అంటే రక్తం పలుచన చేసే మందులైన యాస్పిరిన్, ఇబుప్రోఫెన్, మొదలైనవాటికి దూరంగా ఉండాలి.

గర్భ విచ్ఛిన్నంలో శారీరక చికిత్స అంటే చాలా తేలిక. అయితే, ఆమె మానసికంగా కోలుకోవటానికి చాలా సమయం పడుతుంది.