గర్భిణీ స్త్రీలకు బలవర్థక ఆహారాన్ని ఇవ్వకుండా ఆంక్షలా...?

గర్భిణీ స్త్రీలకు బలవర్థక ఆహారాన్ని ఇవ్వకుండా ఆంక్షలా...?

Pre Natal

oi-Saraswathi N

By Sindhu

Updated: Thursday, July 19, 2018, 12:17 [IST]

గర్భం ధరించిన తర్వాత కుటుంబాల్లో గర్భిణీ స్త్రీల ఆరోగ్యం, ముఖ్యంగా ఆహార వ్యవహారాలపై ఏ సమాజంలో అయినా ప్రత్యేక శ్రధ్ధ తీసుకుంటారన్నది బహుశా మనకందరికీ తెలిసిన విషయమే. దీనికి సంప్రదాయం తోడై కాబోయే తల్లుల ఆహారంలో తినదగినవి, తినకూడనివి అంటూ ఆంక్షలు, నిషేధాలు పెరగడంతో గర్భిణీ స్త్రీల ఆహార పాటింపుపై సమగ్ర విధానం అనేది ఎక్కడా ఆచరణలో లేదు.

అయితే గర్భిణీ స్త్రీలు తీసుకునే ఆహార ప్రమాణాలు అప్పుడే పుట్టిన శిశువుల ఆరోగ్యంపై పూర్తిగా ప్రభావం వేస్తున్నాయని తాజా అధ్యయనం బట్టి తెలుస్తోంది. స్త్రీ పురుష సంపర్కం తర్వాత ఫలదీకరణ ప్రక్రియ జరగక ముందునుంచే మహిళలు ఎలాంటి ఆహారం తీసుకుంటున్నారు అనే అంశం పిల్లల ఆరోగ్యంపై తీవ్ర ప్రభావం వేయనున్నదని డాక్టర్ ఆడమ్ వాట్కిన్స్ తెలిపారు.

మహిళ గర్భంలోని అండం అండాశయంలో పరిపక్వత చెందడం ప్రారంభించినప్పటినుంచీ గర్భిణీ స్త్రీలు తీసుకునే ఆహారం భావితరం ఆరోగ్యంపై తీవ్ర ప్రభావం వేస్తుందని ఈ పరిశోధన తెలిపింది. ఫలదీకరణ, అండం రూపొందుకునే దశల్లో స్త్రీ పోషకాహారం తీసుకోలేదంటే అది పిల్లల తర్వాతి జీవితంపై వ్యతిరేక ప్రభావం కల్గిస్తోందని ఇటీవలి అధ్యయనాలు తెలిపాయి.

ఈ విషయాన్ని నిర్ధారించటానికి చేసిన ప్రయోగంలో ఆడ ఎలుకకు తక్కువ పోషకాహార విలువలు కలిగిన ఆహారాన్ని ఇచ్చి తర్వాత దాన్ని మగ ఎలుకతో సంపర్కం చేయించారు. దీని తర్వాత ఫలితాలను పరిశీలిస్తే ఆ ఆడ ఎలుక సంతానం పలు సమస్యలకు గురవుతున్నట్లు గమనించారు.

కాబట్టి సంప్రదాయాల పేరుతూ గర్భిణీ స్త్రీలకు బలవర్థక ఆహారాన్ని ఇవ్వకుండా ఆంక్షలు విధిస్తున్న కుటుంబాలు, సమాజం కాబోయే తల్లుల ఆహారం గురించి ఇకనైనా జాగ్రత్త తీసుకోవలసిన అవసరం ఉంది. భవిష్యత్తరాల బాగుకు ఇది చాలా అవసరం.