గర్భవతి మహిళకు ఆఫీస్ దుస్తులు ఎలా వుండాలి?

Pre Natal

oi-Nageswara

By B N Sharma

Published: Friday, February 24, 2012, 13:00 [IST]

మహిళ గర్భవతి అయినప్పటినుండి అనే అసౌకర్యాలు ఎదుర్కొంటూ వుంటుంది. పైపెచ్చు ప్రతిరోజూ ఉద్యోగ విధులకు హాజరై అధిక సమయం గడపాల్సి వుంటుంది. అదే సమయంలో తనకు వచ్చిన గర్భాన్ని కనపడకుండా దుస్తులు ధరించాలని, బాగా కనపడేట్లు వుండాలని కూడా భావిస్తుంది. అందుకుగాను ఆమె దుస్తులలో చేయాల్సిన మార్పులను గమనించండి.

ప్రెగ్నెన్సీ ప్రారంభ దశలో ఎపుడూ వేసే సాధారణ దుస్తులు ఆఫీస్ కు సరిపోతాయి. సుమారు 8 వారాల గర్భం వరకు మహిళలు సాధారణ దుస్తులతో సౌకర్యంగానే భావిస్తారు. పేంటు ధరించేవారు టక్ చేయవద్దు. పేంట్ బటన్ తీసివేసి బెల్టు వంటివి బిగువు కొరకు ధరించండి. మీ స్తనాలు సైజులో పెరుగుతూంటే, ఒక జాకెట్ వంటిది వేసి కవర్ చేయండి. లేదా గతంలో లూజుగా వున్న దుస్తులు ధరించండి. ఎదిగే ఛాతీ భాగం పెద్దగా కనపడకుండా వుంటుంది.

సాంప్రదాయ దుస్తులైన పంజాబి డ్రస్ లేదా కుర్తి వంటివి సౌకర్యంగానే వుంటాయి. దుస్తుల రంగు డార్క్ గా వుండేలా చూసుకోండి. మీరు సన్నగా కనపడి పెరిగిన బరువు అనిపించదు. బేబీ బంప్ కనపడకుండా - ఈ దశలోనే మీరు జాగ్రత్త పడాలి. మీ దుస్తుల శైలి మారాలి. ఎలాస్టిక్ బేండ్ వున్న కొన్ని పాంట్లు, స్కర్టులు కొనండి. అవి మీ వాస్తవ సైజుకంటే పెద్దవిగా వుండాలి. వదులుగావుండే షర్టులు, జాకెట్లు, పేంట్లు, లేదా కుర్తాలు ఈ సమయంలో బాగుంటాయి. పొట్టకు సరైన రీతిలో గుడ్డ బెల్టు వంటివి ధరించండి.

ఇక మీరు గర్భవతి అని అందరికి తెలిసిన తర్వాత - వదులుగా వుండే దుస్తులు ధరించండి. లైట్ రంగుల దుస్తులు మీకు హాయినిస్తాయి. స్కర్టులు, డ్రస్ లు సౌకర్యంగా వుంటాయి. పేంట్లు ధరించవద్దు.
మీరు వేసుకున్న దుస్తులకు మ్యాచ్ అయ్యేలా మెడచుట్టూ మఫ్లర్ లేదా షాల్ వంటివి పైన కప్పుకోండి.
అందమైన లైట్ రంగు కాటన్ చీరలు ఈ సమయంలో ఎంతో సౌకర్యంగా వుండి హాయినిస్తాయి.