గర్భవతికి కొవ్వు ఆవశ్యకత!

బేబీల ఎదుగుదలలో ప్రధానంగా వారి బ్రెయిన్ కు కంటిలోని రెటీనా ఏర్పాటుకు డిహెచ్ ఎ వంటి ఎసెన్షియల్ యాసిడ్ల తయారీలో కొవ్వు అవసరం ఎంతో వుంటుంది. కనపడే కొవ్వులు వంటనూనెలు, వెన్న నెయ్యి మొదలైనవి కాగా, కనపడని కొవ్వులు మనం తినేటటువంటి గింజ ధాన్యాలు, పప్పు ధాన్యాలలో కూడా దాగివుంటాయి.

ఫ్యాటీ యాసిడ్లను శాట్యురేటెడ్, అన్ శాట్యురేటెడ్ ఫ్యాటీ యాసిడ్లుగా విభజించారు. మనం తినే వాటిలో రెండూ వుంటాయి. ప్రతివారూ తమ శారీరక అవసరాలకు గాను అన్ని రకాల కొవ్వులు తినవలసిందే. అయితే అవి నిల్వలు పేరుకోకుండా, హాని కలిగించకుండా ప్రతిరోజూ శరీర అవసరాలకు మాత్రమే సరిపోవాలంటే సిఫార్సు చేసిన స్ధాయిలో మాత్రమే ఆహారంలో వుండేలా జాగ్రత్తలు పడాలి.