గర్భధారణ సమయంలో తిమ్మిరులను నివారించడం ఎలా..?

వేడినీటి స్నానం చేయండి : మీరు గర్భం ధరించినప్పుడు వొచ్చే నొప్పులనుండి తక్షణ ఉపశమనాన్ని పొందే చికిత్సల్లో 'వేడినీటి స్నానం' అనేది ఉత్తమ చికిత్స. మీరు ఈ చికిత్స ద్వారా చాలా లాభదాయకమైన ఫలితాలని సులభంగా పొందగలుగుతారు మరియు నొప్పినుండి మరియు అసౌకర్యంనుండి ఉపశమనం పొందుతారు. ఈ చికిత్స వలన గట్టిగా అయిన కండరాలు మరియు గర్భాశయం యొక్క లిగ్మెంట్స్ వొదులుగా అయి సున్నితమైన కదలికలకు సహాయకారిగా పని చేస్తుంది; దీనివలన ఈ నొప్పులనుండి ఉపశమనం లభిస్తుంది.

ఏదేమైనా, ఒక గర్భవతి మహిళ కోసం, నీరు గోరు వెచ్చగా ఉండాలి. గర్భవతులు స్నానానికి ఎక్కువ సమయం తీసుకోకూడదు మరియు స్నానం 10-15 నిముషాలలో ముగించాలి. ఇది గర్భవతి మీద ఏ హాని, దుష్ప్రభావాలు లేకుండా ఉండేందుకు చాలా సురక్షితమైన మార్గం.

హీటింగ్ ప్యాడ్స్/హాట్ బ్యాగ్స్: హీటింగ్ ప్యాడ్స్ మరియు హాట్ బ్యాగ్స్ మార్కెట్ లో అందుబాటులో ఉన్నాయి. వీటిని నొప్పి ఉన్న ప్రాంతంలో ఉంచి, కొంత సమయం వరకు సంపీడనం చేయటం వలన ఉపశమనం లభిస్తుంది. మీ దగ్గర హీటింగ్ ప్యాడ్ అందుబాటులో లేకపోతే ఒక శుభ్రమైన టవల్ ను తీసుకుని, వేడినీటిలో ముంచి, నీటిని పిండి, అప్పుడు నొప్పి ఉన్న ప్రాంతంలో ఆ టవల్ ను ఉంచండి.

ఈ తక్షణ చికిత్స తాత్కాలికంగా మాత్రమే పని చేస్తుంది. నీరు ఎక్కువ వేడిగా లేకుండా చూసుకోండి. ఈ నొప్పులు భరించలేనంతగా ఉంటే, ఏ సమయంలోనైన ఈ రకమైన చికిత్సను చేయవొచ్చు. ఇది ముఖ్యంగా దిగువ వెనుకభాగం వంటి ప్రాంతాల కొరకు సిఫార్సు చేయబడింది.

విశ్రాంతి/సేద తీరండి : మీరు ఒత్తిడికి గురి అయ్యే పరిస్థితులనుండి దూరంగా ఉండండి. శరీరంలో క్రామ్ప్స్ రావటానికి మీ మానసిక ఒత్తిడి ఒక ముఖ్యమైన కారణం. మీరు చేసే పనులు మీ మెదడుపై ఒత్తిడి పడకుండా చూసుకోండి, సంగీతం వినండి. మీరు పని ఒత్తిడులకు దూరంగా ఉండండి.

నిద్ర: ఈ సమయంలో విశ్రాంతి మరియు నిద్ర రెండూ ముఖ్యమైనవే. నిద్రలేమి కూడా సమస్యలకు దారితీస్తుంది, కావున కాబోయే తల్లులకు కనీసం 8-10 గంటల నిద్ర అవసరం.

భోజన మార్పు: పొటాషియం మరియు కాల్షియం రెండు ఖనిజాలు ఈ క్రామ్ప్స్ నయం చేయటానికి కావలసిన ప్రయోజనాలు కలిగి ఉన్నాయి. మీరు తీసుకునే ఆహారంలో ఈ ఖనిజాలు ఉండేట్లుగా చూసుకోండి. అరటి పండులో పొటాషియం ఎక్కువగా ఉంటుంది. చేప, సాల్మన్ చేప మరియు ఆకు కూరలు, బాదం, పాల ఉత్పత్తులు మరియు సార్డిన్లు.వంటి వాటిలో కాల్షియం ఎక్కువగా ఉంటుంది.

విటమిన్ 'సి' సమృద్ధిగా సిట్రస్ పండ్లు, ఆకు కూరలు, టమోటాలు, బంగాళదుంపలు మరియు అనేక ఇతర ఉత్పత్తులలో ఉన్నది. ఏదైనా ప్రాసెస్ చేయబడిన లేదా జంక్ ఆహారాన్ని, అలాగే కార్బోనేటేడ్ పానీయాలను నివారించండి; ఇవి ప్రతికూల పద్ధతిలో క్రామ్ప్స్ ను ప్రభావితం చేయవొచ్చు మరియు మరింత పరిస్థితి క్లిష్టంగా తయారవవొచ్చు.

మసాజ్ యొక్క ప్రయోజనం: ఒక మంచి మసాజ్, నిపుణుల చేత చేయించుకున్నందు వలన కండరాలు మరియు గర్భాశయ లిగమెంట్స్ సడలించబడతాయి, అలానే క్రామ్ప్స్ తో బాధపడుతున్న మీ కాళ్ళ పిక్కలు మరియు కాళ్లు కుడా. ఇలా రోజులో ఒకసారి చేయించుకుంటే నొప్పి మరియు అసౌకర్యం నుండి తక్షణ ఉపశమనం దొరుకుతుంది. మంచి అరోమా ఆయిల్ ను వాడితే, అది అరోమాతెరపిలాగా పని చేస్తుంది మరియు మీ మెదడు కూడా సేద తీరుతుంది. రెండు రకాలుగా లాభం చేకూరుతుంది. మసాజ్ పాదాలకు కూడా చేయించుకోవటం మరిచిపోవొద్దు.