ప్రెగ్నెన్సీ లో ఈ 6 లక్షాణాలు కనిపిస్తే ఖచ్చితంగా డాక్టర్ ని కలవాలి

మీ బిడ్డ కదలిక ఆగిపోయినప్పుడు

మీ ప్రెగ్నెన్సీ వయసు కనుక 28 వారాల కంటే తక్కువ అయితే మీ బిడ్డ కదలికలు మీరు స్థిరం గా కూర్చున్నప్పుడే తెలుస్తుంటాయి. 28 వారాలు దాటితే లోపల పిండం చాలా యాక్టివ్ గా ఉండి తరచుగా తిరుగుతూ ఉంటుంది.ఒక వేళ కదలిక తక్కువనిపిస్తే వెంటనే డాక్టర్ ని కలవాలి

తరచుగా మీకు కాంట్రాక్షన్స్ అనిపిస్తే

ప్రెగ్నెన్సీ టైం లో కాంట్రాక్షన్స్(సంకోచాలు) సహజం.ముఖ్యం గా మీరు మీ డ్యూ డేట్ ని సమీపించేకొద్దీ ఇవెక్కువవుతాయి. ఈ కాంట్రాక్షన్స్ కాస్త నెప్పి కలిగించినా తరచుగా ఉండదు. ఒక వేళ కాంట్రాక్షన్స్ గంట కి ఆరు సార్లు కంటే ఎక్కువ అనిపిస్తే వార్నింగ్ బెల్ మోగిందన్నమాటే. ఇవి ముందస్తు ప్రసూతి నెప్పులకి సూచిక. మీ డాక్టర్ కి ఫోను చేస్తే మీరు అప్పుడు ఇంట్లో ఏమి చెయ్యాలో హాస్పిటల్లో ఎప్పుడు చేరాలో చెప్తారు

అధిక రక్స్తస్రావం:

ఒక శానిటరీ ప్యాడ్ నిండేంత రక్తస్రావం ప్రమాదకరం కాదు. ఒక వేళ మీ బహిష్టు సమయం లో అయినట్లుగా అధికం గా అవుతోంటే మాత్రం ఆందోళన చెందాల్సిన విషయం.మీకు అధిక రక్త స్రావమవుతున్నా లేదా ప్లాసెంటా(మాయ) గర్భాశయాన్ని బ్లాక్ చేస్తున్నా(ప్లాసెంటా ప్రీవియా అంటారు దీనిని)మీ డాక్టర్ ని పిలవాలి.లేదంటే తల్లీ, బిడ్డా ఇద్దరికీ ప్రమాదకరం

అధిక లేద అత్యల్ప గ్లూకోజు శాతం

ప్రెగ్ నెన్సీలో వచ్చే డయాబేటిస్ ని”జెస్టేషనల్ డయాబేటిస్”అంటారు.ఒక వేళ మీకు ఇది ఉంటే తరచుగా మీ రక్తం లోని చక్కెర శాతాన్ని చూసుకుంటూ ఉండాలి.ఒకోసారి ప్రెగ్నెన్సీ లో వచ్చే డయాబేటిస్ చాలా ప్రమాదకరం.చక్కెర శాతం పెరిగినా లేదా బాగా తగ్గిన అత్యవసరం గా డాక్టర్ ని సంప్రదించాలి

ఉదరభాగం లో భరించలేని నెప్పి:

ఉదరభాగం లో అప్పుడప్పుడూ నెప్పి కలగడం సహజం ప్రెగ్నెన్సీ లో. మలబద్ధకం, చిన్న చిన్న కాన్ ట్రాక్షన్స్ లేదా రవుండ్ లిగమెంట్ పెయిన్ అనబడే నాభి ప్రాంతం లో వచ్చే నెప్పి లాంటివి సాధారణ కారణాలు.కానీ ఈ నెప్పి భరించలేనంతగా వస్తోంటే అశ్రద్ధ చేయకూడదు. ఒకోసారి ఈ నెప్పి గర్భాశయ చీలికకి సంకేతం.ఇది ఒక మెడికల్ ఎమర్జెన్సీ.సరైన సమయం లో తెలుసుకోలేకపోతే తల్లీ బిడ్డ కి ప్రమాదకారి. మీకు భరించలేని నెప్పి వస్తే మాత్రం వెంటనే డాక్టర్ ని సంప్రదించాలి

ఉమ్మనీరు లీక్ అవ్వడం:

మీ డ్యూ డేట్ కంటే ముందే ఉమ్మ నీరు లీకవుతోంటే మీ బిడ్డకి ప్రమాదం.ఉమ్మనీరు తగినంత లేకపోవడం వల్ల బిడ్డ ఎదుగుదల సరిగా ఉండదు. ఒకోసారి ఇది బిడ్డ అకాల జననం లేదా మరణానికి దారితీయవచ్చు.తల్లికి తీవ్రమైన ఇన్ ఫెక్షన్ కూడా రావచ్చు.ఒకవేళ మీ యోనీ లో నుండి ఏమైన ద్రవం లాంటి పదార్ధం వస్తోందనిపిస్తే డాక్టర్ ని కలవండి.