ప్రెగ్నన్సీకి సంబంధించిన మొట్టమొదటి లక్షణాలు

స్పాటింగ్ మరియు క్రామ్పింగ్:

ప్రెగ్నెన్సీకి సంబంధించిన ఎర్లియెస్ట్ లక్షణంగా స్పాటింగ్ ను పరిగణించవచ్చు. పీరియడ్ మిస్ అవడానికి ముందే స్పాటింగ్ జరుగుతుంది. కాబట్టి, దీనిని రెగ్యులర్ మెన్స్ట్రువల్ సైకిల్ గా భావించి పొరపాటుపడతారు. ఇంప్లాంటేషన్ బ్లీడింగ్ ని స్పాటింగ్ అనంటారు.

యుటెరస్ గోడలకు ఫెర్టిలైజ్డ్ ఎగ్ అనేది దానంతటదే అతుక్కున్నప్పుడు బ్లీడింగ్ ఏర్పడుతుంది. ఇది కేవలం మూడురోజులపాటే ఉంటుంది. స్పాటీగా ఉంటుంది. ఈ సమయంలో కొంతమంది మహిళల్లో అబ్డోమినల్ క్రామ్పింగ్ సమస్య తలెత్తుతుంది. ఇది మెన్స్ట్రువల్ క్రామ్ప్స్ ని పోలి ఉంటుంది. దీనిని గుర్తించడం కష్టం.

అలసట:

అసాధారణ అలసట కూడా ఎర్లీ ప్రెగ్నెన్సీకి చెందిన లక్షణమే. ప్రొజెస్టెరాన్ అనే హార్మోన్ దీనికి కారణం. ఇది పీక్ స్టేజ్ కి వెళ్ళినప్పుడు నిద్రవస్తుంది. లో బ్లడ్ షుగర్ లెవెల్స్ తో పాటు లో బ్లడ్ ప్రెషర్ వలన అలసట అనేది మరింత పెరుగుతుంది.

మార్నింగ్ సిక్నెస్:

ప్రెగ్నన్సీకి సంబంధించిన ముఖ్య లక్షణమిది. వికారం మరియు వాంతులతో ఈ లక్షణం అనుసంధానమై ఉంటుంది. రోజులో ఏ సమయంలోనైనా ఈ లక్షణాన్ని గుర్తించవచ్చు. దీనికి సంబంధించిన కారణాన్ని వైద్యులు ఇంకా అన్వేషిస్తూ ఉన్నారు. హార్మోన్ల పనితీరుపై అనుమానపడుతున్నారు.

ప్రెగ్నన్సీలోని ఐదవ వారంలో మార్నింగ్ సిక్నెస్ సమస్య తలెత్తుతుంది. ఇది పన్నెండవ వారం వరకు కొనసాగుతుంది.

పీరియడ్ మిస్ అవడం:

ఇర్రేగులర్ మెన్స్ట్రువల్ సైకిల్ కలిగిన వారిలో మిస్డ్ పీరియడ్ అనే సమస్య సహజమే కావచ్చు. అయితే, ఇమీడియేట్ హోమ్ టెస్ట్ ద్వారా ప్రెగ్నెన్సీని చెక్ చేయవచ్చు. గర్భధారణ తరువాత నాలుగవ వారంలో పీరియడ్ ని మిస్ అవడం జరుగుతుంది. హెచ్ సీజీ హార్మోన్ లెవెల్ పెరిగి క్రమంగా ఓవరీస్ నుంచి మెచ్యూర్ ఎగ్స్ విడుదలను ఆపుతుంది.

బ్రెస్ట్ లో మార్పులు:

బ్రెస్ట్ లో మార్పులు ఏర్పడతాయి. ప్రెగ్నన్సీ నాలుగవ వారం నుంచి ఆరవ వారం వరకు బ్రెస్ట్ లో నొప్పిని అలాగే వాపును గమనించవచ్చు. హార్మోన్లలో మార్పుల వలన ఇలా జరుగుతుంది. ఆ తరువాత బ్రెస్ట్ సైజ్ కూడా పెరుగుతుంది. చనుమొనల వ్యాసం పెరుగుతుంది. ఇవి డార్కర్ గా మారతాయి. కొంతమంది లో టింగ్లింగ్ సెన్సేషన్ కలుగుతుంది.

ఆహారాలపై విరక్తితో పాటు వాసనల పట్ల సెన్సిటివిటీ:

ప్రెగ్నన్సీ లోని మొదటి ట్రైమ్స్టర్ లో ఫుడ్ పై విరక్తి పొందడం సహజం. ఆహారం నుంచి వచ్చే వాసనల వలన ఈ సమస్య తలెత్తుతుంది. ఈ సమయంలో ఘ్రాణ శక్తి పెరుగుతుంది. అందుకే వాసనలపై విరక్తి వస్తుంది. దీని వలన వికారంతో పాటు వాంతుల సమస్య ఎదురవుతుంది.

మూత్రానికి తరచూ వెళ్ళవలసి రావడంతో పాటు మూత్రాన్ని ఆపుకోలేకపోవటం

గర్భం దాల్చినప్పటి నుంచి శరీరంలోని బ్లడ్ క్వాన్టిటీ పెరగుతుంది. దీని వలన కిడ్నీలపై సాధారణం కంటే ఎక్కువ భారం పడుతుంది. బ్లాడర్ లోని ఫ్లూయిడ్ పెరుగుతుంది. బాత్రూం ట్రిప్స్ ఫ్రీక్వెంట్ అవుతాయి. కొన్నిసార్లు యాక్సిడెంటల్ లీకింగ్ కూడా జరగవచ్చు.

మలబద్దకం:

హార్మోన్ల మార్పుల వలన ప్రెగ్నన్సీ సమయంలో డైజెస్టివ్ సిస్టమ్ అనేది మందగిస్తుంది. ఈ సమస్య మలబద్దకానికి దారితీస్తుంది. కొన్నిసార్లు, మలబద్దకం వలన కడుపుబ్బరాన్ని కూడా ఎక్స్పీరియెన్స్ చేసే అవకాశం ఉంది.

ప్రెగ్నన్సీకి సంబంధించిన ఇతర ముఖ్య లక్షణాలు:

పైన చెప్పబడిన లక్షణాలతో పాటు, మరికొన్ని సాధారణ లక్షణాలు కూడా ప్రెగ్నెన్సీని సూచిస్తాయి. తలనొప్పి, బ్యాక్ పెయిన్, తలతిరగడంతో పాటు మూడ్ స్వింగ్స్ అనేవి అటువంటి కొన్ని లక్షణాలు. మూడ్ స్వింగ్స్, లో బ్లడ్ ప్రెషర్ కి హార్మోన్స్ అనేవి ముఖ్యపాత్ర పోషిస్తాయి. లో బ్లడ్ షుగర్ వలన డిజ్జీనస్ సమస్య తలెత్తుతుంది.

ఈ లక్షణాలు మీ ప్రెగ్నెన్సీని కన్ఫర్మ్ చేస్తాయా?

దురదృష్టవశాత్తు, కేవలం ఈ లక్షణాల పై ఆధారపడి ప్రెగ్నన్సీని కన్ఫర్మ్ చేయలేము. ఇంటివద్ద ప్రెగ్నెన్సీ టెస్ట్ ద్వారా ప్రెగ్నెన్సీని నిర్థారించుకోవచ్చు. లేదా క్లినిక్ లో నిర్థారించుకోవచ్చు. ఈ లక్షణాలు అస్వస్థతకు గురైన మహిళల్లో కూడా కనిపిస్తాయి. అలాగే, మెన్స్ట్రువల్ సైకిల్ ప్రారంభానికి ముందు కూడా కనిపిస్తాయి. కాబట్టి, మీ ప్రెగ్నెన్సీని కన్ఫర్మ్ చేయడానికి వీటిపై మాత్రమే ఆధారపడటం జరగకూడదు.