గర్భాశయంలో బేబీ బరువు పెంచటానికి సాయపడే ఆహారపదార్థాలు

గుడ్లు

ఇతర ఆహారాలలో ప్రొటీన్లతో పోలిస్తే గుడ్లలోని ప్రొటీన్ నాణ్యత చాలా అధికం. అదేకాక, వాటిల్లో ఫోలిక్ యాసిడ్, కోలిన్, ఐరన్ కూడా ఉంటాయి. గుడ్డులోని చాలామటుకు ప్రొటీన్ దాన్ని పెంకు తీయకుండా ఉడికించి తీసుకున్నప్పుడు శరీరం పీల్చుకోగలదు. రోజుకి ఒక పెంకు తీయకుండా ఉడికించిన గుడ్డు తినటం కడుపుతో ఉన్నవారికి మంచిది.

డ్రై ఫ్రూట్లు మరియు నట్’స్

బేబీ యొక్క ఆరోగ్యకరమైన బరువు సరిగ్గా డ్రై ఫ్రూట్లు, నట్'స్ తీసుకున్నప్పుడే సాధ్యపడుతుంది. అనేకమంది వైద్యులు కూడా బిడ్డ బరువు సమస్యలున్న గర్భిణీ స్త్రీలకి నట్'స్ తినమనే సలహా ఇస్తున్నారు. వీటిల్లో ప్రొటీన్ ఎక్కువగా ఉంటుంది కానీ కొవ్వు కాదు. నట్ ‘స్ అంటే బాదం పప్పు, వేరుశెనగ, పిస్తా,వాల్ నట్'స్ వంటివి. మంచి డ్రై ఫ్రూట్లంటే ఖర్జూరాలు, ఎండపెట్టిన ఆప్రికాట్లు, నల్ల కిస్మిస్ లు, ఫిగ్స్ వంటివి. చేతిలో పట్టినన్ని ప్రతిరోజూ సాయంత్రం స్నాక్ గా తినండి.

పాలు

కడుపుతో ఉన్నవారికి రోజుకి 2 గ్లాసుల పాలు తప్పనిసరి. అది రోజుకి 4 గ్లాసులు కూడా చేసుకోవచ్చు. ప్రొటీన్ కి దీనికన్నా మంచి ఆహారపదార్థం లేదు మరియు ఒక అధ్యయనం ప్రకారం రోజుకి 200-500మిలీ ల పాలు తాగటం వలన పిండం బరువుపై సానుకూల ప్రభావం పడింది. పాల యొక్క లాభాలు చాలావరకు పొందాలంటే అందులో ఏమీ కలపకుండా తాగితేనే ఉత్తమం. దాన్ని జావలలో, స్మూతీలలో కలుపుకోవచ్చు.

పెరుగు

పెరుగు తినటం వలన బేబీలలో తక్కువ బరువు సమస్య రిస్క్ ను నివారించవచ్చు. ఆశ్చర్యకరమైన విషయం ఏంటంటే ప్రొటీన్లు అధికంగా ఉండేదే కాక, పెరుగులో పాలలోకన్నా ఎక్కువ కాల్షియం ఉంటుంది. ఇందులో విటమిన్ బి కాంప్లెక్స్, జింక్ కూడా ఉంటాయి. కడుపుతో ఉన్నవారు పెరుగును రోజుకి మూడుసార్లు తీసుకోవటం మంచిది.

పచ్చని ఆకుకూరలు

వారానికి కనీసం మూడుసార్లు ఆకుకూరలు తీసుకోవడం వలన మంచి పరిమాణంలో విటమిన్ ఎ, విటమిన్ సి, ఫోలేట్,ఐరన్ మరియు మెగ్నీషియం లభిస్తాయి. బ్రొకోలీ కూడా ఈ విభాగంలోకే వస్తుంది. విటమిన్ ఎ కంటిచూపుకి చాలా ముఖ్యం మరియు బేబీ యొక్క చర్మం, ఎముకల ఎదుగుదలలో ముఖ్యపాత్ర పోషిస్తుంది.ఇదే బిడ్డ బరువును కూడా పెంచుతుంది.

సన్నని మాంసం

సన్నని మాంసంలో అధిక ప్రొటీన్లు ఉండి బిడ్డ కణజాలం, కండరాల ఎదుగుదలకి చాలా ముఖ్యమవుతుంది. అందులో ఉండే ఐరన్, విటమిన్ బి కాంప్లెక్స్ బిడ్డలో మెదడు ఎదుగుదలకి సాయపడతాయి. వారానికి 2-3 సార్లు కొంచెం చికెన్, గొర్రె, ఇంకా సముద్రపు ఆహారమైనా ఫర్వాలేదు, తీసుకోవటం మంచిది.

తృణధాన్యాలు

రిఫైన్ చేసిన ధాన్యాలు అనగా మైదా మరియు మొక్కజొన్న పిండిలను తృణధాన్యపు పిళ్ళతో మార్చాల్సి ఉంటుంది. తృణధాన్యాలలో జొన్నలు, గోధుమరవ్వ మరియు బ్రౌన్ రైస్ వంటివి ఉంటాయి. వీటి నుంచి ప్రొటీన్, ఐరన్, మెగ్నీషియం, కార్బొహైడ్రేట్ మరియు ఫైబర్ లభిస్తాయి. కడుపుతో ఉన్నంతకాలం రోజుకి రెండుసార్లు ఈ తృణధాన్యాలను తీసుకోవటం మంచిది.

చేపలు

ప్రొటీన్ అత్యధికంగా ఉండటమేకాక, చేపలో ఒమేగా -3ఫ్యాటీ యాసిడ్లు కూడా ఎక్కువగా ఉంటాయి. కాకపోతే మీరు పాదరసం ఎక్కువగా ఉండని చేపను తీసుకోవడం ముఖ్యం. పిండం పూర్తిగా ఎదగటానికి చేప చాలా మంచి ఎంపిక.

కాటేజ్ జున్ను

కాటేజ్ జున్ను లేదా పన్నీర్ భారతదేశంలో చాలా ప్రసిద్ధి, ముఖ్యంగా శాకాహారులకి.40-50గ్రాములు తక్కువ ఫ్యాట్ పన్నీర్ ఒక గ్లాసు పాలతో సమానం. దీన్ని పాస్తా,కూర గ్రేవీలు, రోటీలు దేనితో అయినా జతచేయవచ్చు. ఇంట్లో తయారుచేసిన పనీర్ బయట షాపు నుండి తెచ్చిన కాటేజీ జున్ను కన్నా ఎంతో ఉత్తమం.

చిక్కుళ్ళు

కడుపుతో ఉన్నప్పుడు రోజుకి రెండు సార్లు చిక్కుళ్ళ వంటివి తినటం తప్పనిసరి. సెనగలు, సోయాబీన్స్, రాజ్మా,బఠాణీలు, పప్పుధాన్యాలు,ఆకుకూరలు వంటి అనేక పదార్థాలలో ప్రొటీన్ మరియు కార్బొహైడ్రేట్లు ఎక్కువగా ఉండి కొవ్వు శాతం తక్కువగా ఉంటాయి. బిడ్డ ఆరోగ్యానికి, సరైన బరువుకి ఫైబర్ పదార్థాలైన ఈ లెగ్యూమ్స్ వంటివి అవసరం.