నూనె లేకుండానే క్రిస్పీ ఫ్రెంచ్ ఫ్రైస్!..ఇంట్లోనే ఈజీగా ఇలా చేసుకోండి

పేరు వినగానే నోట్లో నీళ్లూరిపోయే స్నాక్స్ లో ముందువరుసలో ఉండేది ఫ్రెంచ్ ఫ్రైస్. ప్రపంచవ్యాప్తంగా ఎంతో మందికి ఇష్టమైన ఈ స్నాక్, ముఖ్యంగా పిల్లలు మరియు యువతలో చాలా ప్రాచుర్యం పొందింది. బంగాళాదుంపలతో చేసే ఈ స్నాక్, బయట క్రిస్పీగా లోపల మెత్తగా ఉండి ఒక అద్భుతమైన రుచిని అందిస్తుంది. అయితే బయట రెస్టారెంట్లలో లభించే ఫ్రెంచ్ ఫ్రైస్ సాధారణంగా నూనెలో డీప్ ఫ్రై చేసినవి దొరకకుతాయి.. అయితే ఇంట్లోనే కొన్ని ఆరోగ్యకరమైన పద్ధతులు పాటిస్తూ రుచికరమైన ఫ్రెంచ్ ఫ్రైస్‌ తయారు చేసుకోవచ్చు. డీప్ ఫ్రైయింగ్ కాకుండా ఓవెన్ ఉపయోగించి ఎలా తయారు చేయాలో ఇక్కడ చూడండి.

తయారీకి కావాల్సిన పదార్థాలు
-బంగాళాదుంపలు: 3-4
-నీరు: తరిగిన బంగాళాదుంపలను నానబెట్టడానికి సరిపడా
-నూనె: 1-2 టేబుల్ స్పూన్లు (ఆలివ్ ఆయిల్ లేదా పొద్దుతిరుగుడు నూనె)
-ఉప్పు: రుచికి సరిపడా
-నల్ల మిరియాల పొడి: 1/2 టీస్పూన్
-గార్లిక్ పౌడర్: 1/2 టీస్పూన్
-పప్రికా: 1/2 టీస్పూన్

తయారీ విధానం

-ముందుగా బంగాళాదుంపలను శుభ్రంగా కడిగి తొక్క తీయండి. వాటిని పొడవుగా సన్నగా, సమాన సైజులో ముక్కలుగా కోయండి. ఫ్రెంచ్ ఫ్రైస్ కోసం సాధారణంగా 1/4 అంగుళం వెడల్పు, 3-4 అంగుళాల పొడవు ఉండేలా కట్ చేస్తారు. అన్ని ముక్కలు ఒకే సైజులో ఉంటే ఒకేసారి ఉడుకుతాయి.

-తరిగిన బంగాళాదుంప ముక్కలను ఒక పెద్ద గిన్నెలో తీసుకుని వాటిని పూర్తిగా మునిగేలా చల్లటి నీళ్లు పోయండి. కనీసం 30 నిమిషాల నుండి 1 గంట వరకు నానబెట్టాలి. ఇలా చేయడం వల్ల బంగాళాదుంపల్లోని అదనపు పిండి పదార్థం బయటకు వెళ్లిపోయి ఫ్రైస్ మరింత క్రిస్పీగా వస్తాయి.

-తర్వాత బంగాళాదుంప ముక్కల నుండి నీటిని పూర్తిగా తీసివేయండి.

-ఒక శుభ్రమైన వంటగది టవల్ లేదా టిష్యూ పేపర్‌తో బంగాళాదుంప ముక్కలను పూర్తిగా ఆరబెట్టండి. ఒక్క చుక్క నీరు కూడా లేకుండా పూర్తిగా పొడిగా ఉండాలి. ఇది ఫ్రైస్ క్రిస్పీగా రావడానికి చాలా ముఖ్యం.

-పొడి చేసుకున్న బంగాళాదుంప ముక్కలను ఒక పెద్ద గిన్నెలోకి తీసుకోండి. దానిలో 1-2 టేబుల్ స్పూన్ల నూనె వేసి అన్ని ముక్కలకు బాగా పట్టేలా కలపండి. ఇప్పుడు ఉప్పు, నల్ల మిరియాల పొడి, గార్లిక్ పౌడర్, పప్రికా వేసి అన్నింటినీ బాగా కలపండి.

-ఓవెన్‌ ను 200°C (400°F) కు ప్రీహీట్ చేయండి. బేకింగ్ ట్రేపై పార్చ్‌ మెంట్ పేపర్ వేసి దానిపై బంగాళాదుంప ముక్కలను ఒకే పొరలో పేర్చండి. అవి ఒకదానికొకటి తాకకుండా చూసుకోండి.

-25-35 నిమిషాలు లేదా అవి బంగారు రంగులోకి మారి, క్రిస్పీగా మారే వరకు బేక్ చేయండి. మధ్యలో 15 నిమిషాలకు ఒకసారి వాటిని తిప్పి వేయండి.

-అవసరమైతే చివరి 5 నిమిషాలు బ్రాయిల్ సెట్టింగ్‌లో పెట్టి మరింత క్రిస్పీగా చేసుకోవచ్చు. వేడి వేడి క్రిస్పీ ఫ్రెంచ్ ఫ్రైస్‌ ను టమాటో కెచప్, మైయోనైస్ లేదా మీకు ఇష్టమైన డిప్‌ తో సర్వ్ చేయండి.