మన పూర్వికులు మటన్ కూర చేసుకునే విధానం ఇదే,రుచి నషాళానికి ఎక్కాల్సిందే!

ప్రస్తుతం ఉన్న ఉద్యోగ ఒత్తిడి, కాలుష్యం, ఇతర కారణాల వలన చాలా మంది పాతకాలంలో ఎలా జీవించేవారో అలానే జీవించాలని అనుకుంటున్నారు. అందుకోసం ఫామ్‌ హౌస్‌లు కట్టుకొని మరీ ఉంటున్నారు. అలాగే ఆర్గానిక్ అంటూ.. పాతకాలం నాటి ఆహరం తినడానికి ఇష్టపడుతున్నారు. అలాంటి వాటిలో ఒకటే మటన్. గతంలో మటన్‌ కూరను చాలా సాంప్రదాయకమైన పద్దతిలో చేసుకునేవారు. ఆర్గానిక్ మసాలాలు కలిపి ఈ కూరను తయారు చేసుకునే వారు. ఈ స్టోరీలో మన పూర్వికులు ఏ విధంగా మటన్ కూరను వండుకునేవారో తెలుసుకుందాం.

పూర్వీకుల మాదిరిగా మటన్ కూర వండుకోవడానికి కావాల్సిన పదార్థాలు

1 kg మటన్
2 ఉల్లిపాయలు
2 టమోటాలు
1 అల్లం వెల్లుల్లి పేస్ట్
2 పచ్చిమిర్చి
1 tsp ధనియాల పొడి
1 tsp జీలకర్ర పొడి
1 tsp గరం మసాలా
1/2 tsp పసుపు
1/2 tsp కారం
రుచికి సరిపడా ఉప్పు
2 tbsp నూనె
కొత్తిమీర

మటన్ కూర తయారీ విధానం

ముందుగా మటన్ ను శుభ్రంగా కడిగి చిన్న ముక్కలుగా చేసుకోవాలి.
ఉల్లిపాయలు, టమోటాలను కూడా చిన్నగా కట్ చేసుకోవాలి.
ఒక గిన్నెలో మటన్, ఉల్లిపాయలు, టమోటాలు, అల్లం వెల్లుల్లి పేస్ట్, పచ్చిమిర్చి, ధనియాల పొడి, జీలకర్ర పొడి, గరం మసాలా, పసుపు, కారం, ఉప్పు మరియు నూనె వేసి బాగా కలపాలి.
ఈ మిశ్రమాన్ని ఒక గంట పాటు నానబెట్టాలి.
ఒక మట్టి పాత్ర తీసుకొని నానబెట్టిన మటన్ మిశ్రమాన్ని వేసి 2 కప్పుల నీరు పోసి ఒక 30 నుంచి 40 నిమిషాల పాటుఉడికించాలి.
ఆ తర్వాత మూత తీసి కూరను బాగా కలుపుకోవాలి.
చివరగా కొత్తిమీరతో గార్నిష్ చేసి వేడి వేడిగా అన్నం లేదా రోటీతో సర్వ్ చేయాలి. అంతే ఎంతో రుచికరమైన మటన్ కూర సిద్ధమైనట్లే.