అడాయ్‌ని ఈ స్టైల్లో ఎప్పుడైనా చేసుకున్నారా..? బియ్యం పిండితో క్రీస్పీ, స్పాంజీ రెసిపీ..!!

బియ్యం పిండితో చేసే అడాయ్‌ను బ్రేక్ ఫాస్ట్ గా చేసుకోవచ్చు లేదంటే సాయంత్రం స్నాక్‌గా అయినా రెడీ చేసుకోవచ్చు. క్రిస్పీగా, స్పైసీగా, స్పాంజీగా చాలా బాగుంటాయ్. ఎన్ని తిన్నా కూడా కడుపు నిండుగా అనిపించదు. దోశలు అంటే బోర్ అనుకునేవాళ్లు ఈ అడాయ్ రెసిపీని చేసుకోవచ్చు. ఈ అడాయ్‌ను ఎలా రెడీ చేస్తారో తెలుసుకుందాం.

బియ్యంపిండితో చేసే అడాయ్ కోసం కావాల్సిన వంట పదార్ధాలు ఇవే :

అర అంగులం అల్లం ముక్క
3 వెల్లుల్లిపాయలు
2 పచ్చిమిరపకాయలు
1 కప్పు బియ్యం పిండి
అరకప్పుపెరుగు
అర టీస్పూన్ జిలకర
అరకప్పు క్యారెట్ తురుము
అరకప్పు క్యాబేజ్‌
అరకప్పు టమాటా ముక్కలు
ఒక క్యాప్సికం
అర టీస్పూన్ కారంపొడి
2 టేబుల్ స్పూన్ల కొత్తిమీర ఆకులు
అర టీస్పూన్ బేకింగ్ సోడా
2 స్పూన్ల మంచి నూనె
నువ్వులు

క్రిస్పీ అడాయ్‌ను ఈ కింది విధంగా తయారు చేసుకోవాలి.

1. చిన్న మిక్సీ జార్‌లో అర అంగులం అల్లం ముక్కను, 3 వెల్లుల్లిపాయలను, 2 పచ్చిమిరపకాయలను వేసుకొని బాగా దంచాలి. మిక్సింగ్ బౌల్‌లోకి 1 కప్పు బియ్యం పిండిని తీసుకోవాలి. ఇందులో అరకప్పుపెరుగును వేసుకోవాలి. దీన్ని మొత్తం మిక్స్ చేసుకోవాలి. అవసరానికి సరిపడ నీళ్లను పోసుకోవాలి.

2. దోశలు వేసుకునే విధంగా పిండిలో నీళ్లు పోసుకొని కలపాలి. మనం కలుపుకున్న పిండికి 1 కప్పు నీళ్ల వరకు సరిపోతుంది. ఇంతకు ముందు దంచిన పచ్చిమిర్చి పేస్టును బౌల్‌లో వేసుకోవాలి. అర టీస్పూన్ జిలకరను, అరకప్పు క్యారెట్ తురుమును వేసుకోవాలి. అరకప్పు క్యాబేజ్‌ను వసుకోవాలి. అరకప్పు టమాటా ముక్కలను, సన్నగా తరిగిన ఒక క్యాప్సికంను ముక్కలుగా కోసి వేసుకోవాలి. రుచికి సరిపడ ఉప్పు, అర టీస్పూన్ కారంపొడిని వేసుకోవాలి. 2 టేబుల్ స్పూన్ల కొత్తిమీర ఆకులను వేసుకోవాలి.

3. బౌల్‌లో ఉన్న మొత్నాన్నీ బాగా కలిసి పదినిమిశాలు అలాగే పెట్టి మూత పెట్టాలి. ఇందులో అర టీస్పూన్ బేకింగ్ సోడాను వేసుకోవాలి. ఇప్పుడు పెనంను స్టవ్ పైన పెట్టుకొని 2 స్పూన్ల మంచి నూనెను వేసుకోవాలి. పెనంపై రెండు చిటికెల నువ్వులను వేసుకొని రెండు గరిటెల పిండిని వేసుకోవాలి. ప్యాన్ పైన మూతపెట్టి రెండు నిమిశాల మంటను మీడియం ఫ్లేమ్‌లో పెట్టి వదిలేయాలి.

4. ఒక సైడు కాలిన తరువాత మళ్లీ రెండో వైపు కూడా పెనంపై కాల్చాలి. ఇలాగే రెండు నిమిశాలు మూతపెట్టి కాల్చడం వల్ల అడాయ్ రెడీ అవుతుంది. ఇదే విధంగా కలుపుకున్న పిండి మొత్తం చేసుకోవాలి. దీంతో అడాయ్ రెడీ అయినట్టే.

5. ఈ అడాయ్‌ను టమాట సాస్ లేదంటే కొబ్బరి చట్నీతో కూడా సర్వ్ చేసుకోవచ్చు.