కార్తీకమాసం స్పెషల్..ఉల్లిపాయ, వెల్లుల్లి లేకుండా కూరలు చేసుకోడానికి టేస్టీ గ్రేవీ

హిందూ సంప్రదాయంలో కార్తీక మాసానికి ఉన్న ప్రాముఖ్యత అసాధారణమైనది. ఇది ఆ పరమశివునికి మరియు శ్రీ మహావిష్ణువుకి అత్యంత ప్రీతికరమైన మాసం. ఈ నెల 21నుంచి కార్తీక మాసం ప్రారంభమైపోయింది. కార్తీక మాసంలో ఆహార నియమాలకు అత్యంత ప్రాధాన్యత ఇస్తారు. ఈ నియమాలలో ముఖ్యమైనది ఉల్లిపాయ, వెల్లుల్లిలను పూర్తిగా త్యజించడం.

కార్తీకమాసంలో ఉల్లిపాయ వెల్లుల్లి లేకుండా చాలామంది కూరలు చేసుకుంటారు. ఉల్లి,వెల్లుల్లి లేకుండా ఒక్క గ్రేవీ చేసుకుంటే ఏ కాయగూరల్లోకి అయినా ఈ గ్రేవీ వేసుకొని కూరలను చాలా ఈజీగా టేస్టీగా చేసుకోవచ్చు. ఉల్లి,వెల్లుల్లి లేకుండా గ్రేవీ ఎలా తయారుచేసుకోవాలో ఇక్కడ చూడండి.

తయారీకి కావాల్సిన పదార్థాలు
-ఆయిల్
-టమాటో
-ధనియాల పొడి
-గసగసాలు
-జీడిపప్పు
-పసుప్పు
-కారం
-పసుపు
-కసూరి మేథీ
-గరం మసాలా
-అల్లం
-మిరియాలు
-జీలకర్ర
-బిర్యానీ ఆకులు
-దాల్చిన చెక్క
-లవంగాలు
-యాలకలు

తయారీ విధానం

-ముందుగా స్టవ్ మీద పాన్ పెట్టి అందులో పావు కప్పు ఆయిల్ వేసి వేడెక్కాక ఇందులో 2 బిర్యానీ ఆకులు, 3 ఇంచుల దాల్చిన చెక్క ముక్కలు, 10 లవంగాలు, 1 స్పూన్ జీలకర్ర, అర స్పూన్ మిరియాలు 6 యాలకలు వేసి చిన్న మంటపై ఒక నిమిషం పాటు వేగనివ్వాలి.

-తర్వాత అందులో సన్నగా,పొడవుగా కట్ చేసిన 1 కేజీ టమాటో ముక్కలు, గుప్పెడు జీడిపప్పు, పొట్టు చెక్కి ముక్కలుగా కట్ చేసుకున్న 3 ఇంచుల అల్లం, 2 స్పూన్ల గసగసాలు వేసి మొత్తం అంతా కలిసేలా కలుపుకొని మూతపెట్టేయాలి.

-టమాటో ముక్కల్లోని నీరు అంతా ఇగిరిపోయి ముక్కలు మెత్తగా మగ్గేవరకు ఉడకించుకోని స్టవ్ ఆపేసి చల్లారనివ్వాలి. ఉడికేటప్పుడ మధ్య మధ్యలో మూత తీసి కలుపుతుండాలి.

-బాగా చల్లారిన తర్వాత మిక్సీ గిన్నెలో టమాటో మిశ్రమం వేసి గ్రైండ్ చేసుకోవాలి. నీళ్లు పోయకుండానే మెత్తగా గ్రైండ్ చేసుకోవాలి.

-తర్వాత స్టవ్ మీద పాన్ పెట్టి అందులో అరకప్పు ఆయిల్ వేసి వేడి చేశాక ఇందులో 2 టేబుల్ స్పూన్ల కారం, 1 స్పూన్ పసుపు, 2 టేబుల్ స్పూన్ల ధనియాల పొడి, 1 స్పూన్ గరం మసాలా, 1 స్పూన్ కసూరి మేథీ బాగా నలిపి వేసుకొని మెత్తం అంతా కలిసేలా 1 నిమిషం పాటు కలుపుతూ వేయించాలి. ఎక్కువ వేగితే కారం మాడిపోయి టేస్ట్ మారిపోతదని గుర్తుంచుకోండి.

-ఇప్పుడు అందులో గ్రైండ్ చేసుకున్న టమాటో పేస్ట్ వేసి అంతా కలిసేలా కలుపుకోవాలి. మూతపెట్టిసి చిన్న మంట మీద మధ్యమధ్యలో కలుపుకుంటూ ఆయిల్ పైకి వచ్చేదాకా కలుపుకోవాలి. దీనికి 20-25 నిమిషాల వరకు సమయం పడుతుంది. తర్వాత స్టవ్ ఆపేసి దాన్ని బాగా చల్లారనిచ్చి