అన్నం, చపాతీ..దేంట్లోకైనా అదుర్స్! ఈ రుచికరమైన పప్పు రహస్యం ఇదే

వర్షాకాలం వచ్చిందంటే చాలు.. మనసు వేడివేడిగా, కాస్త కారంగా ఏదైనా తినాలని కోరుకుంటుంది. బయట చిటపటమని వర్షం కురుస్తుంటే, ఇంట్లో కమ్మని వాసనలతో వంటగది నిండిపోతే ఆ అనుభూతే వేరు. కానీ ఈ హడావిడి జీవితంలో గంటల తరబడి వంటగదిలో గడిపే ఓపిక, సమయం ఎక్కడివి? అలాంటి సమయంలోనే కేవలం 10 నిమిషాల్లో తయారై, రుచిలో మాత్రం సాటిలేని ఒక అద్భుతమైన వంటకం సొరకాయ పప్పు.

సొరకాయ పేరు వినగానే చాలామంది ముఖం చిట్లిస్తారు. ముఖ్యంగా పిల్లలు దాన్ని తినడానికి అస్సలు ఇష్టపడరు. కానీ ఒక్కసారి ఈ పద్ధతిలో కూర చేసి పెట్టండి, వాళ్లే మళ్ళీ మళ్ళీ కావాలని అడుగుతారు. అన్నం, చపాతీ, రోటీ, దోశ దేనితో తిన్నా అమోఘంగా ఉంటుంది. రుచికరమైన గుమ్మడికాయ పప్పు ఎలా చేయాలో ఇక్కడ చూడండి.

కావలసిన పదార్థాలు
సొరకాయ: 150 గ్రాములు
నూనె: ఒకటిన్నర టీస్పూన్లు
ఆవాలు: అర టీస్పూన్
మినపప్పు: అర టీస్పూన్
ఉల్లిపాయ: 1
వెల్లుల్లి రెబ్బలు: 5-6
ఎండు మిరపకాయలు: 4-5
పండిన టమోటా: 1
చింతపండు: చిన్న నిమ్మకాయంత
పసుపు: పావు టీస్పూన్
కారం: అర టీస్పూన్
ధనియాల పొడి: ఒకటిన్నర టీస్పూన్లు
ఇంగువ: చిటికెడు
ఉప్పు: రుచికి సరిపడా
నీరు: అవసరమైనంత
కొత్తిమీర: కొద్దిగా

తయారుచేయు విధానం

-ముందుగా స్టవ్ మీద ప్రెషర్ కుక్కర్ పెట్టి నూనె వేసి వేడిచేయాలి. నూనె కాస్త వేడెక్కిన తర్వాత ఆవాలు, మినపప్పు వేసి చిటపటలాడనివ్వాలి. ఆ తర్వాత ఎండు మిరపకాయలు, చిటికెడు ఇంగువ వేసి మంచి సువాసన వచ్చేవరకు వేయించాలి.

-ఇప్పుడు సన్నగా తరిగిన ఉల్లిపాయ ముక్కలు, వెల్లుల్లి రెబ్బలు వేసి, కొద్దిగా ఉప్పు చల్లితే ఉల్లిపాయలు త్వరగా మగ్గుతాయి. ఉల్లిపాయ ముక్కలు బంగారు రంగులోకి వచ్చేవరకు దోరగా వేయించుకోవాలి.

-ఆ తర్వాత సన్నగా తరిగిన టమోటా ముక్కలు, చింతపండు వేసి బాగా కలపాలి.

-టమోటాలు మెత్తగా మగ్గి, నూనె పైకి తేలేంత వరకు మూతపెట్టి ఉడికించాలి.

-ఇప్పుడు పసుపు, కారం, ధనియాల పొడి వేసి పచ్చివాసన పోయేవరకు ఒక నిమిషం పాటు తక్కువ మంట మీద వేయించాలి.

-మసాలాలు బాగా వేగిన తర్వాత ముందుగా చెక్కు తీసి కట్ చేసి పెట్టుకున్న గుమ్మడికాయ ముక్కలను వేసి, మసాలాలన్నీ ముక్కలకు పట్టేలా బాగా కలపాలి.

-ఇప్పుడు కూరగాయ ముక్కలు మునిగేంత వరకు నీళ్లు పోసి, రుచికి సరిపడా ఉప్పు చూసుకుని, కుక్కర్ మూతపెట్టి 3-4 విజిల్స్ వచ్చేవరకు ఉడికించాలి.

-కుక్కర్ ఆవిరి మొత్తం పోయిన తర్వాత మూత తీసి ఒక పప్పు గుత్తితో గానీ లేదా గరిటెతో గానీ కూరను మెత్తగా మెదపాలి. మరీ మెత్తగా కాకుండా కాస్త పలుకుగా ఉండేలా చూసుకుంటే తినేటప్పుడు బాగుంటుంది.

-ఇప్పుడు కుక్కర్‌ ను మళ్ళీ స్టవ్ మీద పెట్టి రెండు నిమిషాల పాటు తక్కువ మంట మీద ఉడికించి, చివరగా సన్నగా తరిగిన కొత్తిమీర చల్లి దించేయాలి. అంతే ఘుమఘుమలాడే, నోరూరించే సొరకాయ పప్పు రెడీ.

-వేడివేడి అన్నంలో కొద్దిగా నెయ్యి వేసుకుని ఈ కూరతో తింటే ఆ రుచి మాటల్లో చెప్పలేం.