ఇంట్లోనే రెస్టారెంట్ స్టైల్ చికెన్ లాలీపాప్స్..ఈజీగా ఇలా చేసుకోండి,ఖర్చు కూడా ఉండదు!

చికెన్ లాలీపాప్స్ ఒక పాపులర్,టేస్టీ వంటకం. ఇవి పార్టీలకు, స్నాక్స్‌ గా చాలా బాగుంటాయి. చికెన్ డ్రమ్‌ స్టిక్‌ లను ప్రత్యేకమైన పద్ధతిలో తయారు చేసి, మసాలాలతో కలిపి వేయించడం లేదా కాల్చడం ద్వారా వీటిని తయారు చేస్తారు. ఇది సాధారణంగా చికెన్ వింగ్‌లెట్ నుండి తయారు చేయబడుతుంది.. దీనిలో మాంసాన్ని ఎముక చివర నుండి వదులు చేసి క్రిందికి నెట్టి లాలీపాప్ లాగా కనిపిస్తుంది. రెస్టారెంట్లలో చాలా ఎక్కువ ధరకు అమ్మే చికెన్ లాలీపాప్స్ మీ ఇంట్లోనే ఈజీగా తయారుచేసుకోవచ్చు. అదేలాగో ఇక్కడ చూడండి.

చికెన్ లాలీపాప్ తయారీకి కావలసిన పదార్థాలు

-చికెన్ డ్రమ్‌ స్టిక్స్-12 ( 500 గ్రాములు)
-అల్లంవెల్లుల్లి పేస్ట్-2 టేబుల్ స్పూన్లు
-నిమ్మరసం- 1 టేబుల్ స్పూన్
-కారం పొడి-1 టీస్పూన్
-పసుపు పొడి-1/2 టీస్పూన్
-ధనియాల పొడి-1 టీస్పూన్
-జీలకర్ర పొడి-1/2 టీస్పూన్
-గరం మసాలా-1/4 టీస్పూన్
-ఉప్పు-రుచికి తగినంత
-సోయా సాస్-1 టేబుల్ స్పూన్
-వెనిగర్-1 టీస్పూన్
-మైదా- టేబుల్ స్పూన్లు
-కార్న్‌ఫ్లోర్-1 టేబుల్ స్పూన్
-ఆయిల్

తయారీ విధానం

-ముందుగా చికెన్ డ్రమ్‌ స్టిక్స్‌ ను బాగా కడగాలి. ఒక పదునైన కత్తిని ఉపయోగించి డ్రమ్‌స్టిక్ యొక్క మందపాటి భాగం చుట్టూ వృత్తాకారంగా కోయాలి. ఎముక చివర వరకు కోయకండి.

-తర్వాత కోసిన భాగం నుండి చర్మాన్ని, కండను ఎముక చివరి వరకు నెట్టండి. ఇది లాలీపాప్ ఆకారాన్ని ఇస్తుంది, ఎముక ఒక హ్యాండిల్‌లా కనిపిస్తుంది. అన్ని డ్రమ్‌ స్టిక్ స్‌ను ఇదే విధంగా సిద్ధం చేయండి.

-ఇప్పుడు ఒక పెద్ద గిన్నెలో అల్లం వెల్లుల్లి పేస్ట్, నిమ్మరసం, కారం పొడి, పసుపు పొడి, ధనియాల పొడి, జీలకర్ర పొడి, గరం మసాలా, ఉప్పు వేసి బాగా కలపండి. సోయా సాస్, కావాలనుకుంటే వెనిగర్ కూడా వేసి కలపండి. సిద్ధం చేసిన చికెన్ డ్రమ్‌ స్టిక్స్‌ ను ఈ మిశ్రమంలో వేసి బాగా కలపండి, మసాలా అంతా చికెన్‌ కు పట్టేలా చూడండి.

-గిన్నెను మూతపెట్టి కనీసం 30 నిమిషాలు లేదా గరిష్టంగా 2-3 గంటలు ఫ్రిజ్‌ లో ఉంచండి. ఎక్కువసేపు మ్యారినేట్ చేస్తే చికెన్ మరింత రుచికరంగా ఉంటుంది.

వేల డాలర్లు పెట్టి కోట్ల మంది కొనే దుబాయ్ ఫేమస్ 'కునాఫా చాక్లెట్'..ఈ ఇంట్లోనే ఈజీగా ఇలా చేసుకోండి

-తర్వాత ఒక వేరే గిన్నెలో మైదా, కార్న్‌ఫ్లోర్ వేసి కలపండి. ఇందులో అల్లంవెల్లుల్లి పేస్ట్, కారం పొడి, చిటికెడు ఉప్పు వేసి బాగా కలపండి. కొద్ది కొద్దిగా నీరు పోస్తూ ఉండలు లేకుండా ఒక చిక్కటి పిండిని తయారు చేసుకోండి. పిండి మరీ పలుచగా లేదా మరీ గట్టిగా ఉండకూడదు. ఇది చికెన్‌కు బాగా పట్టేలా ఉండాలి.

-తర్వాత ఫ్రిజ్ నుండి మ్యారినేట్ చేసిన చికెన్ డ్రమ్‌ స్టిక్స్‌ ను తీయండి. ఒక్కొక్క డ్రమ్‌ స్టిక్‌ ను తయారుచేసిన పిండిలో బాగా ముంచండి, పిండి అంతా సమానంగా పట్టేలా చూడండి.

-తర్వాత ఒక లోతైన కడాయిలో లేదా పాన్‌ లో ఆయిల్ బాగా వేడి చేశాక ఇందులో కోట్ చేసిన చికెన్ లాలీపాప్స్‌ ను ఒక్కొక్కటిగా నూనెలో వేసి వాటిని బంగారు రంగు వచ్చే వరకు వేయించండి. మధ్య మధ్యలో తిప్పుతూ ఉండండి, అన్ని వైపులా సమానంగా వేగాలి.

-వేయించిన లాలీపాప్స్‌ ను ఒక ప్లేట్‌ లోకి తీసి టిష్యూ పేపర్‌ పై ఉంచండి, అదనపు నూనెను పీల్చుకుంటుంది. అంతే చికెన్ లాలీపాప్ రెడీ.