బ్రెడ్ - చోలే ఛాట్...

Published: Friday, June 15, 2012, 14:04 [IST]

రోజూ రొటీన్ గా చేసుకునేకంటే కొంచెం వండటం మార్చి వండితే కొత్త రుచులను ఆస్వాధించవచ్చు. ఛాట్ ఐటమ్స్ ఏవైనా సరే అందరం ఇష్టంగా తింటాము. రొటీన్ గా చేసుకునే, బయట దొరికే చాట్ వంటకాలు కాకుండా కొంచెం భిన్నంగా తయారు చేసుకొనే వంటల్లో చాట్స్ కూడా ఒకటి. తక్కువ వస్తువులతో పుల్లపుల్లగా, కారంగా అప్పటికప్పుడు తయారుచేసుకునే చాట్ ఐటెమ్స్ చాలా ఉన్నాయి. ఇవి బయట మాత్రమే దొరుకుతాయి అనుకుంటే పొరపాటే. ఇంట్లో కూడా చాలా సులువుగా చేసుకోచ్చు. చోలే, బ్రెడ్ కలిపి చేసే ఈ ఛాట్ వెరైటీగా బావుంటుంది.
కావలసిన పదార్ధాలు:
చోలే: 2cups
బ్రెడ్ : 4slices
ఉల్లిపాయలు : 2
పచ్చిమిర్చి : 3
పొటాటో: 2
టమోటో: 2
అల్లం వెల్లుల్లి ముద్ద : 1tsp
చోలే మసాల :1tsp
కొత్తిమీర : ఒక కట్ట
ఉప్పు: రుచికి తగినంత
కారం : తగినంత
పసుపు: 1tsp
సన్నకారప్పూస: కొద్దిగా
నూనె : 2tbsp
ఛాట్ మసాల: 1tsp
నిమ్మరసం : 1tsp
జీలకర్ర : 1tsp
కరివేపాకు : ఒక రెమ్మ

తయారు చేయు విధానం:
1. శనగలను నానబెట్టుకోవాలి. నూనె వేడిచేసి జీలకర్ర,కరివేపాకు వేసి సన్నగా తరిగిన ఉల్లి,మిర్చి వేసి దోరగా వేయించాలి .
2. ఇప్పుడు అల్లంవెల్లుల్లి పేస్ట్ వేసి వేయించి,ఆలూ ముక్కలు,శనగలు వేసి కలపాలి.
3. రెండు నిముషాలు వేయించి,ఉప్పు,కారం,పసుపు,వేసి కలిపి టమాట ముక్కలు కూడా వేసి ఒక గ్లాస్ నీళ్ళు పోసి పాన్ మూత పెట్టెయ్యాలి. ఆరేడు విజిల్స్ రానిస్తే శనగలు మెత్తగా ఉడుకుతాయి, స్టీం పోయిన తరువాత తీసి చోలే మసాల ,కొత్తిమీర వేసి కూర
చిక్కబడేదాక ఉడికించుకోవాలి. ఈలోగా బ్రెడ్ ను చిన్న ముక్కలుగా కట్ చేసుకుని నూనెలో వేయించి తీసుకోవాలి. లేదా నెయ్యి, వెన్న వేసి తవాపై కూడా టోస్ట్ చేసుకోవచ్చుకానీ క్రిస్ప్ గా ఉండాలి.
4. ఇప్పుడు బ్రెడ్ ముక్కలు ఒక ప్లేట్లో పెట్టి పైన చోలే కూర వేయాలి. కొన్ని బ్రెడ్ ముక్కలు పైన కూడా వేయాలి. సన్నగా తరిగిన ఉల్లి, మిర్చి, కొత్తిమీర, కొంచెం ఛాట్ మసాల చల్లి, నిమ్మరసం వేసి పైన సన్న కారప్పూసతో అలంకరిస్తే నోరూరించే ఛాట్ రెడీ అవుతుంది.

Comments

Story first published: Friday, June 15, 2012, 14:04 [IST]

Other articles published on Jun 15, 2012

Latest Updates

Bread Chole Chat | బ్రెడ్ - చోలే ఛాట్...