సరదాల సమయం ‘ మిర్చీ’ బజ్జితో...

Published: Saturday, September 3, 2011, 12:03 [IST]

సెలువ దినాల్లో సాయంకాలం వేళ అమ్మ తయారు చేసే వేడి వేడి పండి వంటకం ఏంటంటే ముందుగా మనకు గుర్తొచ్చేది 'పచ్చి మిరపకాయ బజ్జి', వేడి వేడిగా మిర్చి బజ్జీల మద్య కుటుంబ సభ్యులతో కమ్మటి ఊసులు చెప్పుకుంటూ చేసే కాలక్షేపం భలే సరదాగా ఉంటుంది. వయస్సుతో నిమిత్తం లేకుండా అందరూ ఇష్టంగా తినే 'పచ్చి మర్చి బజ్జి' స్నాక్ వంటకాన్ని ఈ రోజు మన స్పెషల్..

కావల్సిన పదార్థాలు:
- బజ్జి సైజు పచ్చిమిరిపకాయలు 7
- శనగపిండి 1 కప్పు,
- బియ్యం పిండి 1కప్పు,
- సాల్ట్ తగినంత,
- కారం 1 టీ స్పూన్,
- సోడా ఉప్పు తగినంత
- నూనె

పచ్చిమిర్చిలో నింపుకునేందుకు -
- జీలకర్ర 1 టీస్పూన్,
- తాజా కొబ్బరి 1 కప్పు (తరిగనది),

అలంకరణకు:
- ఉల్లిముక్కలు తరిగినవి,
- క్యారెట్ ముక్కలు తరిగినవి,
- కొత్తిమీర తరిగినది,
- నిమ్మకాయ బద్దలు

తయారీ విధానం:
- తొలత కొబ్బరి తరుగులో, జీలకర్రను కలిపి మెత్తగా నూరుకోవాలి.
- పచ్చిమిర్చిని నిలువుగా కోసి లోపులున్న గింజ పదార్థాన్ని తొలగించి ఆ స్థానంలో మెత్తగా నూరుకున్న కొబ్బరి, జీలకర్ర మిశ్రమాన్ని నింపుకోవాలి.
- సిద్ధంగా ఉంచుకున్న శెనగపిండిలో, బియ్యప్పిండి, సాల్ట్, కారంలను పండి రూపంలో చేసుకోండి.
- కొబ్బితురుము, జీలకర్ర మిశ్రమాన్ని నింపుకున్న పచ్చిమిర్చిని పిండిలో ముంచి నూనెలో బంగారం రంచు వచ్చేంత వరకు వేయించండి.
- వేగిన బజ్జీలను ఉల్లి, కొత్తిమీర, క్యారెట్ ముక్కలతో అలంకరణ చేసి నిమ్మరసాన్ని పిండుకుని తింటుంటే సమయం ఇట్టే గడిచిపోతుంది.