మ్యాంగో - ఐస్ క్రీమ్ స్మూతీ.. సమ్మర్ స్పెషల్

ఎండాకాలంలో చల్లచల్లని పండ్ల రసాలు ఆరోగ్యానికి ఎంతో ఉపయోగపడతాయి. రుచికి కూడా బాగుంటాయి. పండ్లు తినని పిల్లలకు జ్యూసుల రూపంలో ఇవ్వండి. తియ్య తియ్యగా తాగడానికి ఇష్టపడతారు. జ్యూసులలో పోషక విలువలు కూడా అధికం. బయటకు వెళ్లకుండా ఇంట్లోనే కూర్చుని తాగేలా మాంగో కూలర్‌, వాటర్‌ మెలన్‌ కూలర్‌ వంటి ఎన్నోరకాలు తయారు చేసుకోవచ్చు మరి. మాక్‌టెయిల్‌ తాగాలంటే స్టార్‌హోటల్‌కో, రెస్టారెంట్‌కో వెళ్లనవసరం లేకుండా ఇంట్లోనో వెరైటీవి తాగొచ్చు.

మామిడి కాయలంటే ఎవరికైనా ఇష్టమే. ఈ సీజన్‌లో బంగినపల్లి నుంచి అన్ని రకాల కాయలను తింటుంటాం. ఇష్టమైన జ్యూస్‌లను తయారు చేసుకుంటాం. అలాంటి మామిడి కాయలతో మ్యాంగో ఐస్ క్రీమ్ స్మూతీ ఎలా తయారు చేయాలో చూద్దాం...

కావల్సిన పదార్థాలు:
మ్యాంగో: 5-6
పాలు: 1/2cup(చల్లనివి)
పంచదార: 6-7tbsp(మామిడిపండ్ల సంఖ్యను బట్టి)
వెనీలా ఐస్ క్రీమ్: 2స్కూప్స్
నీళ్ళు: కొద్దిగా(అవసరమైతేనే)

1. ముందుగా మామిడి పండ్ల పొట్టు తీసి సన్నసన్నని ముక్కలుగా కట్ చేసుకోవాలి.
2. ఇప్పుడు వీటిని మిక్సీ గ్రైండర్ లో వేసి మెత్తబడే వరకూ బ్లెండ్ చేసుకోవాలి.
3. తర్వాత ఇందులో పంచదార కూడా వేసి ఒక నిముషం పాటు మళ్ళీ బ్లెండ్ చేసుకోవాలి.
3. ఇప్పుడు ఈ మ్యాంగో జ్యూస్ ను ఒక బౌల్లోనికి వంచుకోవాలి. ఇప్పుడు దీనికి చల్లటి పాలను మిక్స్ చేసుకొని బాగా మిక్స్ చేసి స్మూతీ తయారు చేసుకోవాలి.
4. చివరగా వెనీలా ఐస్ క్రీమ్ ను కూడా అందులో వేసి బాగా మిక్స్ చేసి బాగా షేక్ చేయాలి. అంతే మ్యాంగో స్మూతీ రెడీ. దీన్ని జ్యూస్ గ్లాస్ లో నింపి చల్ల.. చల్లగా అందించడమే ఆలస్యం.