పొటాటో బ్రవాస్-స్పానిష్ స్పెషల్ స్నాక్

కావలసిన పదార్థాలు:
బంగాళాదుంపలు: 1/2kg
ఉల్లిపాయం 1
టమోటోలు: 6
ఎండుమిర్చి 6
పంచదార: 1tsp
వెల్లుల్లి పేస్ట్: 1tsp
లవంగాల పొడి: 1tsp
మిరియాల పొడి: 1tsp
బియ్యపు పిండి: 1tsp
వెనిగర్: 1tsp
నీళ్లు: 1cup
నూనె: సరిపడా
ఉప్పు రుచికి తగినంత

తయారు చేయు విధానం:
1. ముందుగా బంగాళా దుంపలను మంచి నీళ్లలో శుభ్రం చేసి, చెక్కుతీసి చిన్ని చిన్న ముక్కలుగా కట్ చేసుకోవాలి.
2. తర్వాత వీటిని ఉప్పు కలిపిన నీటిలో పదినిమిషాల పాటు ఉడికించుకోవాలి. తర్వాత నీటిని ఒంపేసి ముక్కలను ఆరబెట్టుకోవాలి.
3. ఇప్పుడు పాన్ లో చెంచా నూనె ను వేడి చేసి అందులో ఉల్లిపాయముక్కలు, వెల్లుల్లి రేకులు, ఎండుమిర్చిలను వేయాలి.
4. కొద్దిగా వేగిన తర్వాత లవంగాల పొడి, మిరియాల పొడి, బియ్యపు పిండి, టొమోటో ముక్కలు, పంచదార కూడా వేసి దోరగ వేయించాలి. తర్వాత ఇందులో నీళ్లు పోయాలి. తక్కువ మంట మీద పావుగంట ఉడికిన తర్వాత మిక్సీలో వేసి బాగా బ్లెండ్ చేయాలి.
5. తర్వాత ముందుగా ఉడికించి ఆరబెట్టుకొన్న బంగాళాదుంప ముక్కలను నూనెలో డీప్ ప్రై చేసి ఒక బౌల్ లేదా ప్లేట్ లోనికి తీసుకోవాలి.
6. ఇప్పుడు ఈ ముక్కలపై బ్లెండ్ చేసి పెట్టుకొన్న మిశ్రమాన్ని పోసి వడ్డించాలి. అంతే పొటాటో బ్రవాస్ రెడీ.